बेरोजगारीने तरुणाईची गुन्हेगारीकडे वाटचाल!

चेतन इंगळे

वसई / विरार : लॉकडाऊनमधल्या बेरोजगारीने तरुणाई गुन्हेगारी प्रवृत्तीकडॆ वळत असल्याचे समोर आले आहे. हाताला काम नसल्याने पोटाची भूक मिटविण्यासाठी एका 18 वर्षीय आरोपीने धावत्या लोकलमधील प्रवाशाच्या गळ्याला ब्लेड लावून धाकाने प्रवाशाकडून पैसे उकळले आहेत. Unemployment leads youth to crime!

हे देखील पहा -

प्रवाशाने दिलेल्या तक्रारीवरून पोलिसांनी गुन्हा दाखल करून रेल्वे स्थानकात असलेल्या सीसीटीव्हीच्या आधारे या आरोपीला अटक केली आहे. अरबाज खान असे त्याचे नाव आहे. ४ जुलै रोजी विरार रेल्वे स्थानकातुन चढलेल्या या आरोपीने विरार-नालासोपारा रेल्वे स्टेशन दरम्यान धावत्या लोकलमध्ये जबरी चोरीचा प्रयत्न केला.

संबंधित प्रवाशाला ब्लेड चा धाक दाखवून त्याकडे असलेले १२० रुपये त्याने लुटले व पसार झाला होता. त्यानंतर सीसीटीव्ही फुटेजच्या आधारे पोलिसांनी शोध घेत या आरोपीला अटक केली आहे. या आरोपीवर या आधी कोणताही क्रिमिनल रेकॉर्ड नसून पोटाची भूक मिटविण्यासाठी त्याने हे कृत्य केल्याची कबुली त्याने पोलिसांना दिली आहे.

Edited By : Krushnarav Sathe