धक्कादायक! बाप आईला मारतो म्हणून मुलांनी घातला बापाच्या डोक्यात दगड

उल्हासनगर - हिललाइन पोलीस स्टेशनच्या हद्दीत नेवाळी येथील भाल रोडवर रात्री एक जखमी इसम गावकऱ्यांना रोडवर तडफडत पडलेला दिसला. यावेळी स्थानिक गावकऱ्यांनी सदर जखमीस उल्हासनगरच्या (Ulhasnagar) मध्यवर्ती रुग्णालयात आणले, तेव्हा त्या व्यक्तीची बायको आणि मुलं हे मध्यवर्ती रुग्णालयात गावकऱ्यांना दिसले. यावेळी जखमी व्यक्तीची पत्नी सुद्धा जखमी अवस्थेत रुग्णालयात (Hospital) उपचार घेत होती.

हे देखील पहा -

यावेळी गावकऱ्यांनी मुलांनची विचारपूस केल्यावर मुलांनी सांगितले, बाप आमच्या आईला दारू पिऊन मारत होता हे पाहून आम्ही त्याला मारले आणि आईला उपचारासाठी रुग्णालयात आणले आहे. या घटनेत बाप नरेंद्र सिंग हा गंभीर जखमी असून पत्नी किरणदेवी ही जखमी झाली आहे. नरेंद्रच्या डोक्यात मुलांनी दगड घालून त्याला रस्त्यावर तडफडत टाकून दिले होते असं गावकऱ्यांनी सांगितले आहे.

या जखमी पती पत्नीला मध्यवर्ती रुग्णालयातून मुंबई येथील रुग्णालयात पाठविण्यात आले आहे. याप्रकरणी चौकशीसाठी पोलिसांनी दोन्ही मुलांना ताब्यात घेतले असून पुढील चौकशी तपास करत आहेत.

Edited By - Shivani Tichkule