Mumbai News : कोरोना काळात मुंबई महापालिकेने केलेल्या कामात गैरव्यवहाराबाबत ईडीने विविध ठिकाणी धाडी टाकल्या. या धाडीनंतर भाजपने ठाकरे गटावर निशाणा साधण्यास सुरुवात केली आहे. ठाकरे गटाने कोरोना काळात भ्रष्टाचार केल्याचे आरोप भाजपकडून केले जात आहे.
कोरोना काळात झालेल्या कामासंदर्भात एकीकडे तत्कालीन सरकारवर भ्रष्टाचाराचे आरोप केले जात आहेत. तर दुसरीकडे केंद्रीय आरोग्यमंत्री मनसुख मांडविया कोरोना काळात राज्यात चांगलं काम झाल्याचं सांगत कोरोना काळातील कामाचे कौतुक केलं आहे. (Latest Marathi News)
मात्र, त्यावेळी उद्धव ठाकरे सरकार असल्याचा प्रश्न उपस्थित करताच. कोरोना काळातील कामावर कुठल्याही प्रकारे राजकारण मला करायचं नाही. मात्र जर यामध्ये कुठलं चुकीचं काम झालं असेल तर या संदर्भात कारवाई व्हायला हवी असं सुद्धा मनसुख मांडविया यांनी आजच्या पत्रकार परिषदेत सांगितलं. (Political News)
यावर उपमुख्यमंत्री देवेंद्र फडणवीस यांनी या संदर्भात बोलताना मनसुख मांडवीया हे आयुष्यमान भारत योजनेत संदर्भात बोलत असल्याचं सांगत सारवासारव केली.
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.