मुंबई - क्लब हाऊस अ‍ॅपप्रकरणी (Club House) मुंबईच्या सायबर पोलिसांनी (Police) दोघाजणांना ट्राझिस्ट रिमांडवर ताब्यात घेतले आहे. आकाश, जेष्णव आणि यश पराशर अशी या आरोपींची नावे असून त्यांना हरियानातून (Haryana) अटक करण्यात आली आहे. या तिन्ही आरोपींना आज (२१ जानेवारी) न्यायालयात हजर केलं जाणार आहे. मुंबई पोलिसांनी अशी माहिती दिली आहे. एका महिलेच्या तक्रारीवरून मुंबई सायबर पोलिसांनी या प्रकरणी गुन्हा दाखल केला आहे.
बुली बाई अ‍ॅप (Bulli Bai App) नंतर क्लब हाऊस अ‍ॅप द्वारे मुस्लिम महिलांची बदनामी केली जात होती. या प्रकरणी रझा अकादमीने मुंबई पोलीस आयुक्तांना पत्र लिहून कारवाईची मागणी केली होती. दरम्यान, काही दिवसांपूर्वी बुली बाई अ‍ॅप हे वादाच्या भोवऱ्यात अडकलं होतं. या अ‍ॅपद्वारे मुस्लिम महिलांना टार्गेट करुन त्यांना अपमानित केलं जात होतं. त्यानंतर आता क्लब हाऊस अ‍ॅपप्रकरणी मुंबईच्या सायबर पोलिसांनी दोन आरोपींना ताब्यात घेतलं आहे. या प्रकरणी पोलीस पुढील तपास करत आहेत.
Edited By - Shivani Tichkule
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.