मावळमध्ये लेकी मागण्याचा पारंपारिक खेळ उत्साहात संपन्न

पुणे : मावळ मध्ये गौरी विसर्जन झाल्यानंतर सर्व गांवामध्ये लेकी मागण्याचा पारंपारिक कार्यक्रम आजही मोठ्या उत्साहाने साजरा केला जातो. दरम्यान गावातील लहान मुलींपासुन ते वृध्द महिलेपर्यंत सर्व महिला आनंदाने सहभागी सहभागी होत असतात. (The traditional game of asking for daughter's in Maval thrives)

हे देखील पहा -

तसेच नागपंचमी व गौरीसाठी माहेरी आलेल्या माहेरवाशीन महिला यामध्ये मोठ्या उत्साहाने सहभागी होत असतात. या विवाह सोहळ्यात एखाद्या लहान मुलीला मुलाच्या वेशात सजविले जाते आणि त्या मुलाकडील मंडळी मुलीच्या घरी मुलगी मागण्यासाठी जातात. नेहमीच्या रिवाजाप्रमाणे मात्र विनोदी शैलीत हा कार्यक्रम होतो. पसंतीनंतर लग्नाची तयारी ढोल ताशांच्या गजरात नवरा-नवरीची वरात काढली जाते. त्यामध्ये महिला मनसोक्त नाचतात गातात. ही वरात तास दीड तास चालते. त्यानंतर मोठ्या दिमाखात लग्न सोहळा होतो.

दरम्यान जमलेल्या सर्व मंडळींना भोजनही दिले जाते या सोहळ्यामद्ये अनेक महिला रोजच्या संसारातील सुख-दुःखे विसरून सहभागी होतात त्यांना गावतील पुरूष मंडळीही मदत करतात.

Edited By - Akshay Baisane