पुणे जिल्ह्यातील (Pune District) बहुली गावात आगीत जळालेली घरं नाम फाउंडेशनच्या माध्यमातून बांधून देण्यात आली आहेत. संबंधीत लोकांना मदत नाहीतर आधार दिला आहे, असे मत नाम फाउंडेशनचे संस्थापक आणि अभिनेते नाना पाटेकर यांनी व्यक्त केले आहे. नाम फाउंडेशनची स्थापना ही आधार देण्यासाठी झाली आहे असेही नाना म्हणाले. १६ कुटुंबाची घरं जळाली होती, फक्त ती म्हणजे बांधून दिली यासाठी सर्वच राजकीय पक्षांनी मदत केली असल्याचं नानांनी सांगितले.
लॉकडाऊन करणं सरकारचा नाईलाज आहे. सरकारला सहकार्य केलंच पाहिजे पण आपण दुसऱ्याला मदत केली पाहिजे. उपाशी कोणी राहणार नाही याची जबाबदारी घेतली पाहिजे प्रत्येक जण आपापल्या परीने मदत करेल असेही नाना पाटेकर म्हणाले. नाम फाउंडेशन साखरपे पॅटर्न राबवणार आहे. चिपळूण, महाडला हा पॅटर्न राबविला जाणार आहे. लवकरच त्या कामाची सुरुवात होणार असल्याची माहिती नाना पाटेकर यांनी दिली.
पुन्हा एकदा नाना पाटेकर यांच्या मधला आपला माणूस समोर आला आहे. ते म्हणाले मुस्लिम लोकही माणसंच आहे. जात धर्माच्या पलीकडे आपण कधी विचार करणार का? चार पाच पिढ्यांपूर्वी कन्व्हर्ट झालेले लोक आहेत. माणूस म्हणून आपण कधी जगणार? राजकिय तीन चार करंटे लोक आहेत त्यांच्यामुळे हे होत आहे. मुस्लिमांना मुख्य प्रवाहात आणलं पाहिजे असे मत नाना पाटेकर यांनी व्यक्त केलं आहे.
Edited By: Pravin Dhamale
सकाळ+चे सदस्य व्हा
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.
