Sanjay Raut
Sanjay Raut Saam TV

Sanjay Raut On Amit Shah: 'आमच्या सभेचा जोश पाहायला केंद्रीय गृहमंत्री येणार असतील तर...', संजय राऊत यांचा अमित शाह यांना टोला

Latest News: संजय राऊत यांनी बारसू रिफायनरी प्रकल्पावरुन देखील सरकारवर (Maharashtra Government) जोरदार टीका केली आहे.

Mumbai News: केंद्रीय गृहमंत्री अमित शाह (Union Home Minister Amit Shah) आज मुंबई दौऱ्यावर आहेत. त्यांच्या दौऱ्यावर ठाकरे गटाचे नेते आणि खासदार संजय राऊत (MP Sanjay Raut) यांनी टीका केली आहे. 'अमित शहा हे उद्याच्या आमच्या सभेची तयारी पाहायला आले आहेत. आमच्या नागपूरच्या सभेच्या वेळी देखील ते महाराष्ट्रात आले होते. आमच्या सभेची तयारी, सभेचा आवाका आणि जोश पाहण्यासाठी देशाचे गृहमंत्री आले असतील तर त्यांचे स्वागत आहे.', असा टोला त्यांनी लगावला आहे. यावेळी संजय राऊत यांनी बारसू रिफायनरी प्रकल्पावरुन देखील सरकारवर (Maharashtra Government) जोरदार टीका केली आहे. मुंबईत पत्रकारांनी संवाद साधताना संजय राऊत यांनी हे वक्तव्य केले आहे.

Sanjay Raut
Mumbai-Pune Expressway Car Fire: मुंबई-पुणे महामार्गावर कारला भीषण आग; घटनेचा थरारक व्हिडिओ

वज्रमूठ सभेची तयारी पूर्ण -

उद्या मुंबईमध्ये महाविकास आघाडीची वज्रमूठ सभा होणार आहे. या सभेबद्दल संजय राऊत यांनी सांगितले की, जन माणसाचा निकाल कोणाच्या बाजूने आहे हे उद्या महाराष्ट्राची राजधानी ठरवेल. या सभेची तयारी पूर्ण झाली आहे. कोणतेही अडथळे या सभेत येणार नाही. उद्धव ठाकरे यांच्यासोबत महाविकास आघाडीचे सर्व नेते या सभेला उपस्थित राहतील.' तसंच उद्याची सभा ऐतिहासिक ठरणार असल्याचा विश्वास त्यांनी यावेळी व्यक्त केला आहे.

Sanjay Raut
Shrirampur News: महिलेविषयी अपशब्द वापरणं पडलं महागात! कोर्टाने भाजप नेत्याला ठोठावला तब्बल १ कोटींचा दंड

शिवसेना धमक्यांना भीक घालत नाही -

बारसू रिफायनरी प्रकल्पावर बोलताना संजय राऊत यांनी असे सांगितले की,'बारसूमध्ये अजूनही अत्याचार सुरु आहे. पोलिसांच्या कारवाया सुरु आहेत. शेतकरी, महिला आणि तरुणांवर जोरजबरदस्ती केली जात आहे. त्यांना धमक्या दिल्या जात आहेत. कोणासाठी या धमक्या दिल्या जात आहे. उद्धव ठाकरेंना कोकणात पाय ठेवून दिला जाणार नाही ही सुद्धा धमकी आहे. अशा धमक्यांना शिवसेना भीक घालत नाही.' तसंच, 'उद्धव ठाकरे यापूर्वी अनेकदा कोकणात गेलेले आहेत. जात असतात आणि यावेळी ही जाणार आहेत. हिंमत असेल तर रोखून दाखवा.', असा इशारा संजय राऊत यांनी दिला आहे.

Sanjay Raut
Parola Bajar samiti: विद्यमान सभापतींना धक्‍का; शिंदे गट आमदाराचा पराभव करत ‘मविआ’चे वर्चस्व

कोकण कुणाच्याही मालकीचे नाही -

'आम्ही 100 वेळा कोणकणात येतो. कोकण हे कुणाच्या मालकीचे नाही. कोकण हे शिवसेनेची एनर्जी पावर सेंटर आहे. या कोकणाने शिवसेनेला ताकद दिली आहे. सिंधुदुर्ग, रायगड, रत्नागिरी हा संपूर्ण कोकणपट्टा मराठी माणसाच्या स्वाभिमानाचा आणि शिवसेनेच्या अस्मितेचा पट्टा आहे. त्यामुळे उद्धव ठाकरे बारसुत जातील. लोकांची इच्छा आहे त्यांनी यावे आणि ते जातील. कोकणात कोणाचे पाय घट्ट आहेत आणि कोणाचे पाय लटपटत आहेत हे आधीही जनतेने दाखवले आणि यापुढेही दाखवत राहणार.' असं देखील संजय राऊत यांनी सांगितले.

Sanjay Raut
Mann Ki Baat 100th Episode: 'मन की बात' कार्यक्रम आज देशाची एक परंपरा झाली आहे : पंतप्रधान मोदी

कर्नाटक विधानसभा निवडणूक -

कर्नाटक विधानसभा निवडणुकीबद्दल बोलताना संजय राऊत यांनी सांगितले की, 'आम्ही स्वतः बेळगावात महाराष्ट्र एकीकरण समितीच्या प्रचाराला जाणार आहोत. महाराष्ट्रातून खास करून शिवसेनेचे महाविकास आघाडीचे सगळेच बेळगावात जाणार आहे. बाळासाहेब ठाकरे यांना कारावास झाला होता तो सीमा प्रश्न यासाठी होता. माझं मुख्यमंत्र्यांना आाहन आहे की त्यांनी बेळगावला महाराष्ट्र केसरी समितीला पाठिंबा द्यायलाच जावं. जर तुम्ही खरोखर आंदोलनात सहभागी झाला असाल तर आता जाऊन दाखवा. बेळगाव मध्ये छत्रपती शिवाजी महाराजांचा भगवा वारंवार उतरवला जातो यासंदर्भात त्यांनी जाऊन भूमिका मांडावी.' असं देखील त्यांनी सांगितले.

Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.

Related Stories

No stories found.
Marathi News Saam TV
saamtv.esakal.com