कल्याण-नगर महामार्गावर भीषण अपघात; नगरसवेकाचा मृत्यू!

उल्हासनगर : रात्री उशिरा कल्याण नगर महामार्गावर दोन कार समोरासमोर येऊन भीषण अपघात घडला. या अपघातात उल्हासनगर महानगरपालिकेतील तरुण नगरसेवक अजित उर्फ पप्पू प्रभुनाथ गुप्ता यांचं अपघातात निधन झाले असून त्याच्या सोबत अन्य तीन जण गंभीर जखमी झाले आहेत.

हे देखील पहा :

जखमींवर उल्हासनगर मधील क्रिटिकेअर रुग्णालयात उपचार सुरू आहेत. रात्री पप्पू गुप्ता हे आपल्या मित्रांसोबत टिटवाळा येथे जात असताना, पाचवा मैल भागात हा अपघात घडला. गुप्ता यांच्या निधनाचे वृत्त रातोरात शहरात पसरताच अनेकांनी उल्हासनगर च्या मध्यवर्ती रुग्णालयात गर्दी केली होती.

गुप्ता हे महापालिकेतील तरुण नगरसेवक होते. शिवाय सदा हसतमुख असे त्यांचे व्यक्तिमत्व होते. या घटनेने पप्पू गुप्ता यांच्या घरावर दुःखाचा डोंगर कोसळला असून, शहरात या घटनेचा शोक व्यक्त केला जात आहे.

Edited By : Krushnarav Sathe