मुंबई - ऐन दिवाळीच्या (Diwali) तोंडावर राज्य परिवहन मंडळतील ८०० कंत्राटी चालकांनी (St Worker) पून्हा संपाचे हत्यार उपसले आहे. ९ महिने राज्य परिवहन महामंडळाला सेवा देऊनही ३ ऑक्टोबर रोजी कोणतिही पूर्व कल्पना अथवा नोटीस न देता ८०० कंत्राटी चालकांना कमी करण्यात आले. या निर्णयामुळे कंत्राटी चालकांच्या कुटुंबावर उपासमारीची वेळ आली आहे.
दिवाळीचा सण तोंडावर असताना एसटी कर्मचाऱ्यांना पगार अद्याप दिलेला नसताना अचानक पणे घेतलेल्या या निर्णयामुळे कंत्राटी कामगारांनी मंत्रालयावर एल्गार लाॅग काढण्याचा निर्णय घेतला आहे. (Mumbai Latest News)
८०० कंत्राटी कर्मचाऱ्यांना कायम स्वरुपी सेवेत समाविष्ठ करून घ्यावे अशी मागणी या संप करणाऱ्या कर्मचाऱ्यांनी केली आहे. या मागणी साठी १७ ऑक्टोबर रोजी हा एसटी चालकांचा मोर्चा थेट मंत्रालयवर येऊन धडकणार आहे.
दरम्यान, गेल्या वर्षी एसटी महामंडळाचे राज्य सरकारमध्ये विलीनीकरण करावे या मागणीसाठी ऐन सणासुदीच्या कालावधीत एसटी (ST Bus) कर्मचाऱ्यांनी संपाचे हत्यार उपसले होते. दोन महिन्याहून अधिक काळ हा संप चालल्याने राज्यातील प्रवाशांचे अतोनात हाल झाले होते.
सरकारनं हा संप मिटवण्यासाठी काही एसटी कर्मचाऱ्यांच्या काही मागण्या मान्य केल्या होत्या आणि आश्वासनं दिली होती. मात्र, आता यावर्षी पुन्हा राज्य परिवहन मंडळतील ८०० कंत्राटी चालकांनी संपाचे हत्यार उपसले आहे.
Edited By - Shivani Tichkule
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.