सेनेनंतर एनसीपीला लागली गळती; जिल्हाध्यक्षांसह सहा नगरसेवकांची मुख्यमंत्री शिंदेशी हातमिळवणी

NCP News : नवी मुंबईत (navi mumbai) राष्ट्रवादी काँग्रेसला (ncp) खिंडार पडण्याची चिन्हं निर्माण झाली आहेत. राष्ट्रवादी काॅंग्रेसच्या जिल्हाध्यक्षासह सहा नगरसेवक मुख्यमंत्री एकनाथ शिंदे गटात प्रवेश करणार असल्याची खात्रीशिर माहिती उपलब्ध झालेली आहे.

राष्ट्रवादी काॅंग्रेसचे जिल्हाध्यक्ष अशोक गावडेंच्या नेतृत्वाखाली पक्षातील सहा नगरसेवक मुख्यमंत्री एकनाथ शिंदे गटात जाणार असल्याची चर्चा रंगली आहे. त्यामुळे आगामी काळात केवळ दाेनच नगरसेवक राष्ट्रवादी काॅंग्रेस पक्षात राहतील अशी शक्यता आहे.

दरम्यान उद्या सहा नगरसेवक एकनाथ शिंदेंच्या उपस्थितीत प्रवेश करणार असल्याचे सांगितलं जात आहे. त्यामुऴे आगामी काळात नवी मुंबईत राष्ट्रवादी काँग्रेसच्या अस्तित्वाला धोका निर्माण झालेला आहे.

Edited By : Siddharth Latkar