धक्कादायक! WiFi चा पासवर्ड न दिल्याच्या रागात दोघांकडून एका अल्पवयीन मुलाची भरस्त्यात हत्या

सिद्धेश म्हात्रे, नवी मुंबई

Navi Mumbai Crime News: नवी मुंबईतून एक धक्कादायक बातमी समोर आली आहे. इंटरनेट वापरण्यासाठी वायफायचा पासवर्ड (Password) न दिल्याने दोन तरुणांची एका अल्पवयीन मुलाची निर्घृण हत्या केली आहे. नवी मुंबईतील कामोठे परिसरात ही दुर्देवी घटना घडली. विशेष बाब म्हणजे हत्येतील दोन्ही आरोपींनी भररस्त्यात ही हत्या केल्याने परिसरात खळबळ उडाली आहे. (Crime News In Navi Mumbai)

मिळालेल्या माहितीनुसार, आरोपी हे नवी मुंबईतील कामोठे (Kamothe) येथील हाऊसिंग सोसायट्यांमध्ये सफाई कामगार म्हणून काम करतात. या दोघांनी एका 17 वर्षीय अल्पवयीन मुलाला इंटरनेट वापरण्यासाठी वायफायचा पासवर्ड विचारला, मात्र त्या मुलाने पासवर्ड शेअर करण्यास नकार दिला. याचा राग या दोन्ही आरोपींनी मनात ठेवला आणि त्यांनी या अल्पवयीन मुलाची निर्घृण त्याची केली.

कामोठे परिसरातल्या सेक्टर 14 येथे भर रस्त्यात हा प्रकार घडलाय. आरोपी रवींद्र अटवाल आणि राज वाल्मिकी हे दोघेही सफाई कामगार म्हणून काम करतात. तर मृत झालेला अल्पवयीन विशाल मौर्य हा बेकरी मध्ये काम करतो. विशाल मोर्यने आपला इंटरनेट पासवर्ड देण्यास नकार दिल्याच्या रागातून रवींद्र आणि राज यांनी विशालला भररस्त्यात गाठत त्याच्यावर चाकूने हल्ला चढवला. या हल्ल्यात विशालचा मृत्यू झाला असून कामोठे पोलिसांनी दोन्हीही आरोपीवर हत्येचा गुन्हा दाखल करत त्यांना अटक केली आहे. या गंभीर प्रकरणाबाबत अधिक तपास सुरू आहे.

Edited By - Akshay Baisane