पुण्यात पोलीस निरिक्षक महिला अधिकाऱ्याची आत्महत्या; कारण अस्पष्ट

पुणे : पुणे पोलीस (Pune Police) दलातील गुन्हे शाखेत कार्यरत असणाऱ्या महिला पोलीस निरीक्षकाने राहत्या घरात गळफास घेऊन आत्महत्या केली आहे. आज सकाळी ही घटना घडली आहे. शिल्पा चव्हाण असे आत्महत्या केलेल्या महिला पोलीस निरीक्षकाचे नाव आहे. आत्महत्येचे कारण अद्याप समजू शकलेले नाही. चव्हाण त्यांच्याकडे सामाजिक सुरक्षा विभाग तसेच एमओबी या दोन ब्रँचचा पदभार होता.

आज सकाळी त्यांच्या कार्यालयातील कर्मचारी यांना आणण्यासाठी घरी गेला होता. बराच वेळ झाल्यानंतरही त्या फोन उचलत नव्हत्या. त्यानंतर दरवाजा तोडून आत प्रवेश केल्यानंतर हा सर्व प्रकार उघडकीस आला. त्यांना एक मुलगा असून, तो गावी गेला होता. त्या घरी एकट्याच असल्याचे सांगण्यात आले आहे.

Edited By: Pravin Dhamale