Accident Deaths In Pune : पुण्यात दररोज सरासरी एकाचा अपघाती मृत्यू; सर्वाधिक अपघात कुठे? आकडेवारी चिंता वाढवणारी

अक्षय बडवे, पुणे

Pune Accident and Deaths Latest Data : पुण्यातील कोंढवा परिसरात नुकताच ११ वाहने एकमेकांना धडकून विचित्र अपघात झाला होता. या घटनेत एकाचा मृत्यू झाला होता. त्यानंतर पुण्यातील अपघातांच्या घटनांचा मुद्दा पुन्हा ऐरणीवर आला आहे. दुसरीकडे, गेल्या सहा महिन्यांतील पुण्यातील रस्ते अपघातांची आणि मृत्यूची आकडेवारी समोर आली आहे. अपघात रोखण्याचे आव्हान वाहतूक पोलिसांसमोर आहेच, पण या अपघातातील मृत्यूची संख्या ही चिंता वाढवणारी देखील आहे. (Latest Marathi News)

पुण्यातील वाहतूक कोंडीची (Pune Road Traffic) समस्या मोठी आहे, तितकाच जटील प्रश्न शहरातील रस्ते अपघातांचा आहे. पुण्यातील रस्त्यांवर भीषण अपघात झाले आहेत आणि त्यात अनेकांचा जीव देखील गेला आहे. वाहतूक विभागाकडून मिळालेल्या माहितीनुसार, पुणे शहरात दररोज सरासरी एका व्यक्तीचा अपघाती मृत्यू होतो.

पुणे शहर (Pune City) पोलीस आयुक्तालयातील वाहतूक शाखांपैकी सर्वाधिक अपघाती मृत्यू हे लोणीकंद भागात झाले आहेत. १ जानेवारी ते ३१ जुलै या सहा महिन्यांच्या कालावधीतील आकडेवारी चिंता वाढवणारी आहे. लोणीकंदमध्ये या कालावधीत ३२ अपघात झाले आहेत. त्यात ३३ जणांचा मृत्यू झाल्याची माहिती वाहतूक विभागाने दिली आहे.

लोणी काळभोरमध्ये गेल्या सहा महिन्यांत २७ अपघातांची नोंद झाली आहे. यात २७ जणांचा मृत्यू झाला आहे. ही आकडेवारी पुणेकरांसाठी चिंताजनक आहेच, शिवाय शहरातील अपघात रोखण्याचे मोठे आव्हान वाहतूक पोलिसांसमोर आहे.

वाहतूक शाखा विभागनिहाय रस्ते अपघातांची सर्वाधिक नोंद असणारे परिसर (१ जानेवारी ते ३१ जुलै)

लोणीकंद

अपघात - ३२

मृत्यू - ३३

लोणी काळभोर

अपघात - २६

मृत्यू - २७

भारती विद्यापीठ

अपघात - २१

मृत्यू - १८

हडपसर

अपघात- १६

मृत्यू - १५

हांडेवाडी

अपघात - १३

मृत्यू- १३

वारजे, कोंढवा

अपघात - ८

मृत्यू - ९

विमानतळ, कोथरूड, सिंहगड रोड

अपघात - ८

मृत्यू - ८

वानवडी

अपघात - ५

मृत्यू - ५