Pune Police News : 29 वर्षीय पोलीस कर्मचाऱ्यानं उचललं टोकाचं पाऊल; ४ वर्षांच्या‌ मुलाचं छत्र हरपलं

- अक्षय बडवे

Pune News : पुणे पोलिस दलातील (pune police) एम.टी. मोटार परिवहन विभागातील एका पोलिस कर्मचाऱ्याने राहत्या घरी आत्महत्या केल्याने पोलिस दलात खळबळ उडाली आहे. वैभव शिंदे (वय २९) असे आत्महत्या केलेल्या पोलिस कर्मचाऱ्याचे नाव असल्याची माहिती स्थानिक रहिवासी यांच्याकडून मिळाली. (Maharashtra News)

शिंदे हे पोलिस दलात ड्रायव्हर म्हणून कार्यरत होते. पुण्यातील लोहगाव भागात खेसे पार्क परिसरात ते राहत. त्यांनी घराच्या गच्चीवर आत्महत्या केल्याची माहिती स्थानिकांनी दिली. शिंदे यांनी आत्महत्या नेमकी का केली याचे कारण अद्याप समजू शकलेले नाही. त्यांच्या पश्चात पत्नी आणि एक ४ वर्षाचा मुलगा आहे.

शिंदे यांच्या आत्महत्येने पाेलिस दलात खळबळ उडाली आहे. तसेच त्यांच्या कुटुंबियांना माेठा धक्का बसला आहे. या घटनेमुळे खेसे पार्क परिसरात शाेककळा पसरली आहे.

Edited By : Siddharth Latkar