Pune Police : पुणे पोलीस आयुक्तांचा पुन्हा दणका, कुख्यात गुंडानंतर आता अमली पदार्थ तस्कारांची परेड

(अक्षय बडवे, पुणे)

Pune Police Commissioner Amitesh Kumar :

अमितेश कुमार यांनी पुणे पोलीस आयुक्तपदाची सूत्रे हाती घेतल्यानंतर अॅक्शनमोडवर काम करत आहेत. गुंडगिरीला लगाम लावण्यासाठी पुणे पोलीस आयुक्त अमितेश कुमार गुन्हेगारांना पुन्हा एकदा तंबी दिलीय. पमंगळवारी २६७ कुख्यांत गुंडांची परेड आणि झडती घेतल्यानंतर पुणे पोलिसांनी पोलीस आयुक्तालयात आज आणखी गुन्हेगारांना सज्जड दम दिलाय. आज अवैध धंदे व अमली पदार्थ तस्कारांची पोलीस आयुक्त कार्यालयात परेड घेण्यात आली.

सलग दुसऱ्या दिवशी पुणे पोलीस आयुक्तालयात गुन्हेगारांना तंबी देण्यात आल्याने सर्वत्र पोलीस आयुक्त अमितेश कुमार यांच्या नावाची चर्चा सुरू झालीय. काल पुणे पोलीस आयु्क्तालयातील मोकळ्या जागेवर गुंडांना एका रांगेत उभे करण्यात आले होते. गेल्या काही दिवासांपासून भाईगिरी करणारे आपला व्हिडिओ मोबाईलवर रिल्स करून सोशल मीडियावर टाकत आहेत. त्यावरून पोलिसांनी पुण्यातील गुंडांना तंबी दिलीय.

कुख्यात गुंड गजानन मारणे, निलेश घायवळ यांचे नाव घेऊन, 'क्राईम ब्रान्च काम कसं करतं माहिती ना' असा दम सुद्धा तांबे यांनी उपस्थित गुन्हेगारांना भरला. या भाषणाचा व्हिडिओ आता समोर आला आहे.

पोलिसांचा गुन्हेगारांना इशारा

गुन्हेगारीस प्रत्यक्ष किंवा अप्रत्यक्ष पाठिंबा द्यायचा नाही. बेकायदेशीर कृत्यात सहभागी व्हायचे नाही, सोशल मीडियावर व्हिडिओ किंवा रील्स टाकायच्या नाहीत. राहण्याचा पत्ता किंवा मोबाईल बदलल्यास तो क्रमांक बदलल्याची माहिती पोलीस ठाण्यात किंवा गुन्हे शाखेच्या युनिटला हजर राहून कळवावी, अन्यथा गुन्हा दाखल करण्यात येईल, असा इशारा पोलिसांनी दिला आहे.