Pune News: कोयता घेऊन माजवत होते दहशत; टोळीची कॉलेजमध्येच काढली धिंड

अक्षय बडवे

पुणे : महाविद्यालयाच्‍या आवारात कोयता व सुरा घेऊन दहशत माजविण्याचा प्रयत्‍न केला जात होता. शिवाय (Pune News) महाविद्यालयातील विद्याथ्‍र्यांना देखील धमकवले जात होते. या टोळीला पोलिसांनी (Police) ताब्‍यात घेत त्‍यांना अद्दल घडवायसाठी महाविद्यालयात धिंड काढली. (Latest Marathi News)

पुणे शहरातील एका नामांकित कॉलेजमध्‍ये हा प्रकार समोर आला आहे. पुणे शहरात भररस्‍त्‍यावर तरूणीवर कोयत्‍याने वार केल्‍याचा प्रकार गेल्‍या आठवड्यात झाला. यानंतर देखील महाविद्यालयाच्‍या आवारात कोयदा व सुरा घेवून दहशत निर्माण करण्याची हिंमत तरूणांनी केली. मात्र कोयता घेऊन दहशत माजवणाऱ्या या टोळक्यावर पोलिसांकडून कारवाई करण्यात आली आहे.

टोळीची कॉलेजमध्येच धिंड

पुण्यातील एका नामांकित कॉलेजमधील विद्यार्थ्यांना (Pune Police) धमकावले जात होते. विद्यार्थ्यांना धमकावणे तसेच त्यांच्याकडून पैश्याची मागणी करणे असे कृत्य ही टोळी काही दिवसांपासून करत होती. यातील २ जण हे त्याचं महाविद्यालयात शिकायला आहेत. सदर प्रकार पोलिसांना समजल्‍यानंतर धमकवणाऱ्या या टोळीला पोलिसांनी ताब्‍यात घेतले आहे. यानंतर ९ जणांची पोलिसांनी महाविद्यालयात धिंड काढली.