गुन्हे शाखेच्या सामाजिक सुरक्षा विभागाने कल्याणीनगरमधील कारवाई करत‘एलरो’ आणि ‘युनिकॉर्न’ पब सील केले होते. त्यावर आता महानगरपालिकेच्या बांधकाम विभागाने हातोडा चालवत अनधिकृत बांधकाम जमीनदोस्त केलं आहे. पुणे पोलिसांनी या पबचे बेकायदा बांधकाम पाडण्यासाठी पुणे महापालिकेला पत्र दिले होते.यापूर्वी देखील मागील वर्षी दोन वेळा पत्र देण्यात आलेले होते.मात्र,महापालिकेकडून बोटचेपी भूमिका घेतली जात होती.मात्र, पोलीस आयुक्त अमितेश कुमार यांनी कारवाई करण्याबाबत कडक धोरण आवलंबल्याने महापालिकेला कारवाई करावी लागली.
‘एलरो’ आणि ‘युनिकॉर्न’ हे पब रात्री दीडनंतर देखील पहाटेपर्यंत बेकायदेशीरपणे सुरू ठेवण्यात आलेले होते.याबाबत नागरिकांनी पोलीस आयुक्त अमितेश कुमार यांच्याकडे तक्रारी केल्या होत्या. पोलीस आयुक्तांच्या आदेशावरून गुन्हे शाखेच्या सामाजिक सुरक्षा विभागाने ८ एप्रिल रोजी कारवाई करीत बेकायदा हुक्ह्यासह २९ लाख रुपयांचा मुद्देमाल जप्त केला होता.
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.