Pune Accident News : देवदर्शन घेऊन निघाले, ४ किमीनंतर भयानक अपघात, नवले ब्रिजवर अख्ख्या कुटुंबाचा अंत

सचिन जाधव, साम टीव्ही पुणे

पुण्यात काल संध्याकाळी भीषण अपघात झाला. धक्कदायक म्हणजे अपघात झाल्यानंतर गाडीने पेट घेतला. हा अपघात इतका भीषण होता की अग्नितांडवात मृत पावलेल्या नागरिकांच्या मृतदेहाचा कोळसा झाला. या दुर्दैवी अपघातात ८ निष्पाप लोकांना जीव गमवावा लागला, तर १५ जण जखमी झाले आहेत. मात्र यातील एका मृतदेहाची अद्यापही ओळख पटलेली नाही. या घटनेचा सीसीटीव्ही फुटेज आणि मृत्यूंची नावे समोर आली आहेत. याप्रकरणी कंटेनर चालकावर गुन्हा दाखल करण्यात आला आहे. शिवाय आज घटनास्थळी केंद्रीय राज्यमंत्री मुरलीधर मोहोळ येऊन पाहणी करणार आहेत.

पुण्यात काल सायंकाळी नवले ब्रीज येते भीषण अपघात झाला.या अपघातात आठ जणांना आपला जीव गमवावा लागला, तर १५ जण जखमी झाले. मृत नागरिकांमध्ये नारायणपूरवरून देवदर्शन करून येत असलेल एक कुटूंब होत. हे कुटुंब नारायणपूरला गुरुवार असल्याने दर्शनासाठी गेले होते. नारायणपूरहून देवदर्शन करून येत होते. यामध्ये पती,पत्नी आणि मुलगी हे सगळे धायरी फाटा येथील राहणारे होते. या कुटुंबात ३ वर्षाची मुलगी चिखली पिंपरी चिंचवडमधील होते.

हे कुटुंब देवदर्शनाला चालले होते म्हणून तिला बरोबर घेऊन गेले होते. या कारमध्ये त्यांच्यासोबत ड्रायव्हर आणि त्याचा मित्र होता. या अपघातात पुण्यातील एकाच घरातील तीन जणांचा मृत्यू झालाय. स्वाती नवलकर वय ३७ ,आई शांता दाभाडे आणि दत्तात्रय दाभाडे वडील या तिघांचा दुर्दैवी मृत्यू तर मयत तीन वर्षाची मुलगी ही स्वाती नवलकर यांच्या मैत्रिणी ची मुलगी होती. तर धनंजय कोळी हा चालक पण ओळखीतील होता. या सर्वांचा जागीच मृत्यू झाला आहे. नारायणपूर दर्शनावरून परत येताना घरापासून अवघ्या ३ ते ४ किलोमीटर असतील तेव्हा हा भीषण अपघात झाला, आणि यात त्यांना जीव गमवावा लागला.

उरलेल्या मृतांमध्ये एक कंटेनर ड्रायव्हर आणि हेल्पर होते. त्यांची नावे रुस्तम खान ट्रक चालक आणि मुस्ताक हनीफ खान हेल्पर दोघेही राजस्थानचे रहिवासी होते. त्यांचा जागीच मृत्यू झाला आहे. मृतांमध्ये रोहित कदम २५ वर्षीय तरुण कोण आहे याची ओळख मात्र पटू शकली नाही. याबाबत सिंहगड पोलिस अधिक तपास करत आहेत.

रोहित ना ट्रक मध्ये होता ना कारमध्ये त्याचा मृत्यू कसा झाला हे मात्र कळू शकले नाही. मृतांवर आज अंत्यसंस्कार करण्यात येणार आहे. याप्रकरणी सिंहगड रोड पोलीस स्टेशनमध्ये गुन्हा दाखल करण्यात आला आहे. मात्र नवले पुलावर होणारे अपघात गेले अनेक वर्षापासून चिंतेची बाब असल्याने आता तरी प्रशासन जाग होणार का हा मोठा प्रश्न आहे.