पुणे: चाकण औद्योगिक वसाहत आणि पुणे नाशिक महामार्गावर (Pune Nashik Highway) वाहने अडवुन गाडीसह, पैसे मुद्देमाल लुटमार करणा-या टोळीला सापळा रचून राजगुरुनगर (Rajgurunagar Police) पोलीसांनी गजाआड केले आहे. पुणे नाशिक महामार्ग, खेड सेझ, शिरुर, चाकण औद्योगीक वसाहत परिसरात रात्रीच्या सुमारास तरुण वयातील हि टोळी लुटमार करत असल्याची गोपणीय महिती राजगुरुनगर पोलीसांना मिळाली.
या माहितीनुसार राजगुरुनगर येथील पाबळ चौकात या टोळीतील तीन जण एका वँगनर कारमधुन जात असताना आढळुन आले. मात्र पोलीसांना पाहून हि टोळी पसार होत असताना टोळीच्या मोरक्याला पोलीसांनी ताब्यात घेतले. तर दोन जण पळुन जाण्यात यशस्वी झाले या कारवाईत सहाय्यक पोलीस निरीक्षक राहूल लाड, पोलीस हवालदार सचिन गिलबिले, सचिन जतकर, निखील गिरीगोसावी, स्वप्नील गाढवे यांनी केली आहे.
पुणे नाशिक महामार्गवरुन पुण्याच्या दिशेने जाणाऱ्या टेम्पोला चार जणांच्या टोळीने लुटमार करुन मोबाईल व रोख रक्कम लुटली होती. या टोळीच्या मार्गावर राजगुरूनगर पोलीसांनी सापळा रचला, यावेळी चोरी केलेल्या कारमध्ये तीन जण आढळुन आले. मात्र यादरम्यान चलाखीने दोन जण फरार झाले तर कारसह टोळीच्या मोरक्याला पोलीसांनी ताब्यात घेतले असून ओंकार गायकवाड असे अटक केलेल्या दरोडेखोराचे नाव असुन अजुन चोरी, दरोड्याचे गुन्हे उघडकीय येणार असल्याचे सहाय्यक पोलिस निरीक्षक राहुल लाड यांनी सांगितले.
Edited By: Pravin Dhamale
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.