Pune : पुण्याहून नगरच्या दिशेने जाणारी प्रवासी बस रांजणगावजवळ उलटली; चौघे गंभीर

पुणे : पुणे नगर महामार्गावर (Pune Nagar Highway) रांजणगावजवळ एका प्रवासी बसचा भीषण अपघात झाला आहे. या अपघातामध्ये पुण्याहून नगरच्या दिशेने जाणारी प्रवासी बस पलटी झाली आहे. त्यामुळे ऐन सनासुदीला गावाकडे जाणाऱ्या नागरिकांवर दुर्दैवी वेळ आली आहे.

या बसमधील 10 ते 12 प्रवासी जखमी झाले असून जखमींपैकी 4 जणांची प्रकृती चिंताजनक असल्याची माहीती समोर येत आहे. तर जखमी प्रवाशांना (Passenger Bus) रांजणगाव पोलीसांच्या (Ranjangaon) मदतीने रुग्णालयात दाखल करण्यात आलं आहे.

मिळालेल्या माहितीनुसार, पुण्याहून नगरच्या दिशेने जाणारी प्रवासी बस रांजणगावजवळ आली असता पहाटेच्या सुमारास ही बस चालकाचा बसवरील ताबा सुटल्याने बस पलटी झाली. त्यामुळे ऐन सनासुदीला जाणाऱ्या प्रवाशांवर दुर्घटना ओढावली.