Pune Accident : पुण्यात पुन्हा हिट अँड रनचा थरार! पायी जात होता तरुण, ओव्हरटेक करण्याच्या नादात कारने उडवलं, तरुणाचा...

सागर आव्हाड, साम टीव्ही, प्रतिनिधी

Pune News : पुण्याच्या शिरूर येथील गोलेगाव रोडवरील कानिफनाथ मंदिर परिसरात भीषण अपघात झाल्याची माहिती समोर आली आहे. या अपघातात २२ वर्षीय तरुणाचा मृत्यू झाला आहे. हा हिट अँड रनचा संपूर्ण प्रकार सीसीटीव्ही कॅमेऱ्यांमध्ये कैद झाला आहे. अपघातानंतर कारचा मालक घटनास्थळावरुन फरार झाल्याचे म्हटले जात आहे.

मिळालेल्या माहितीनुसार, धनुष राम केवट (वयवर्ष २२) या तरुणाचा अपघातात मृत्यू झाला आहे. हा तरुण कंत्राटी कामगार होता. शिरूर-गोलेगाव रस्त्यावरुन पायी जात असताना त्याला एका चारचाकी गाडीने जोरदार धडक मारली. या धडकेत धनुष गंभीररित्या जखमी झाला. जखमी अवस्थेत त्याला जवळच्या रुग्णालयात नेण्यात आले.

चारचाकी कारने धडक मारल्यानंतर धनुष रस्त्यावर गंभीर अवस्थेत पडला. अपघातानंतर त्याला रुग्णालयात दाखल करण्यात आले. पण उपचार सुरु असतानाच त्याचा मृत्यू झाला. या दुर्घटनेनंतर शिरूर परिसरात शोककळा पसरली आहे. पोलिसांनी या प्रकरणी गुन्हा दाखल केला असून त्यांचा पुढील तपास सुरु असल्याचे म्हटले जात आहे.

ज्या वेळेस धनुष रस्त्यावरुन पायी चालत जात होता. तेव्हा समोरुन येणाऱ्या चारचाकी कारने ओव्हरटेक करण्याच्या नादात धनुषला धडक मारली. या धडकेत धनुष जखमी झाला. धनुषला रुग्णालयात नेण्याऐवजी कारचालकाने घटनास्थळावरुन पळून जाण्याचा निर्णय घेतला. ही घटना सीसीटीव्हीमध्ये कैद झाली आहे. सीसीटीव्ही फुटेजवरुन पोलीस फरार चालकाचा शोध घेत आहेत.