सचिन जाधव
Pune Fire News:
पुण्यातून एक मोठं वृत्त हाती आलं आहे. पुण्यातील साने गुरुजी तरुण मंडळाच्या मंडपात आग लागल्याची घटना घडली आहे. या मंडळाच्या मंडपात भाजपचे राष्ट्रीय अध्यक्ष जे पी नड्डा गणपतीची आरत करत होते. मात्र, आग लागल्यानंतर जे. पी. नड्डा यांना आरती अर्धवट सोडून बाहेर पडावे लागले. या आगीचं कारण अद्याप अस्पष्ट आहे. मंडप परिसरात पाऊस पडल्याने मोठी दुर्घटना टळली आहे. (Latest Marathi News)
मिळालेल्या माहितीनुसार, पुण्यातील साने गुरुजी तरुण मंडळाच्या मंडपात आग लागली. भाजपचे राष्ट्रीय अध्यक्ष जे पी नड्डा हे गणपतीची आरती करत असताना या मंडपाला ही आग लागली.
साने गुरुजी तरुण मंडळाकडून महाकाल मंदिराची प्रतिकृती उभारण्यात आली. या मंदिराच्या कळसाला आग लागली. मंडपाला आग लागल्यानंतर जे पी नड्डा यांना आरती अर्धवट सोडून बाहेर पडावं लागलं.
साने गुरुजी तरुण मंडळाच्या मंडपाला आग लागली, त्यावेळी परिसरात जोरदार पाऊस सुरू झाला. त्यामुळे काही मिनिटांत ही आग विझली. यामुळे मोठी दुर्घटना टळली. मंडपाला नेमकी आग कशी लागली, याचं कारण अद्याप अस्पष्ट आहे.
पुण्यात आंबीलोढा कॉलनी येथील साने गुरूजी नगर येथे एका गणेश मंडळाने तयार केलेल्या हाकाल मंदिराची प्रतिकृती उभारली होती. या मंदिराच्या कळसाला आग लागली. त्यामुळे भाविकांची एकच धावपळ झाली.
या आगीची घटना घडताच अग्निशमन दलाकडून दोन अग्निबंब आणि एक वॉटर टँकर घटनास्थळी पोहचले. सध्या मंडपाला लागलेली आग आटोक्यात आली आहे. या घटनेत कोणीही जखमी झालेलं नाही. तसेच या घटनेत कोणत्याही प्रकारची जीवितहानी झालेली नाही.
Read the latest Marathi news and watch Live Streaming on Saam TV. Breaking news from Maharashtra, India, Pune, Mumbai, Politics, Entertainment, Sports, Lifestyle, Jobs, and Education at Saam TV. Get Live Marathi news on Mobile. Download the Saam Tv Marathi news Channel app for Android and IOS.
साम आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, ट्विटर, इन्स्टाग्राम, शेअर चॅट आणि टेलिग्रामवर आम्हाला फॉलो करा. तसेच, साम टीव्हीच्या यूट्यूब चॅनेलला आजच सबस्क्राइब करा.
