Satish Wagh Murder Case: सतीश वाघ प्रकरणाला धक्कादायक वळण; अनैतिक संबंधात अडसर ठरल्याने पत्नीनेच केला घात

भरत मोहळकर, साम प्रतिनिधी

भाजपचे विधान परिषदेचे आमदार योगेश टिळेकर यांच्या मामा सतीश वाघ यांचं अपहरण आणि हत्येच्या प्रकरणाने पुणे शहर हादरलं होतं. मात्र पोलिसांनी तपासाची चक्रं फिरवली आणि मामाची हत्या मामीनेच केल्याचं उघड झालंय.. मात्र मामीने मामाचा काटा का काढला? नेमकं काय आहे या खुनामागचं रहस्य? जाणून घेऊयात या स्पेशल रिपोर्टमधून.

पती पत्नीच्या नात्याला काळीमा फासणारी धक्कादायक घटना पुण्यात घडलीय..विधानपरिषदेचे आमदार योगेश टिळेकर यांचे मामा सतीश वाघ यांच्या अपहरण आणि हत्येमागे पैशाचं नाही तर प्रेमप्रकरणाचं कारण समोर आलंय. सतीश वाघ यांची पत्नी मोहिनी वाघ हिचं आपल्या मुलाच्या मित्रासोबत गेल्या 12 वर्षांपासून अनैतिक संबंध असल्याचं उघ़ड झालं आणि यातूनच मामीने प्रियकरासोबत हत्येचा खतरनाक प्लान केला.

मामीनेच काढला मामाचा काटा

23 वर्षापुर्वी जवळकर दांपत्य मुलगा अक्षयला घेऊन पुण्यात आले

जवळकर दांपत्य हे वाघ यांच्या घरात भाडेकरू म्हणून राहत होते

36 वर्षीय मोहिनी वाघ यांचं मुलाच्या 20 वर्षीय मित्राशी सूत जुळलं

सतीश वाघ यांनी अक्षय आणि पत्नीला रंगेहात पकडलं आणि त्यांच्यात वाद निर्माण झाले

2016 मध्ये जवळकर कुटुंबाने घर खाली केल्यानंतरही अक्षय आणि मामीच्या भेटी सुरूच

सतीश वाघ पत्नीला मारहाण करायचे

अखेर वैतागून मामीने आणि अक्षयने मामाला संपवण्याचा कट रचला

अक्षय आणि मामीने 4 जणांना 5 लाखांची सुपारी दिली

त्यानंतर 9 डिसेंबरला अक्षयने वाघ यांचं अपहरण करत अखेर काटा काढला

सतीश वाघ यांची हत्या आर्थिक प्रकरणातून भासवण्याचा प्रयत्न करण्यात आला.. मात्र पोलिसांकडून घेतलेल्या जबाबात मामीने हत्येचा कट आपणच रचल्याची कबूली दिली. योगेश टिळेकर यांच्या मामाचं अपहरण आणि हत्येमुळे प्रकरणात पत्नी मोहिनी वाघ आणि अक्षय जवळकरसह 6 जणांना अटक केलीय.