अक्षय बडवे, प्रतिनिधी...
Pune Crime News: पुणे शहरातील शहरातील विविध पोलीस ठाणे हद्दीतून आर. एक्स १०० यामाहा दुचाकी चोरणाऱ्या सराईतांकडून तब्बल १६ मोटारसायकली पोलिसांनी जप्त केल्या आहेत. बाजारात सहज उपलब्ध नसल्याने हे दोघे ही तरुण ही गाडी चोरायचे आणि जास्त किमतीला विकत असल्याची माहिती पोलिस तपासात समोर आली आहे.
काय आहे प्रकरण?
याबाबत अधिक माहिती अशी की, नव्वदीच्या दशकातील तरुणांचे पहिलं प्रेम, तरुणांच्या मनात रुतून बसलेली आणि जिच्या आवाजाने सर्वांनाच भुरळ घातलेली गाडी म्हणजे "आर. एक्स १०० यामाहा". आताच्या लाखों रुपयाच्या गाड्या घेऊन फिरण्यात देखोल इतकी शान वाटत नसेल तितकी त्यावेळी तरुणांना आरएक्स-१०० घेऊन फिरण्यातच शान वाटायची, कॉलेजचे तरुणाईचे तर आरएक्स-१०० चे विशेष आकर्षण होते ,मात्र कालांतराने ही गाडी बंद झाली.
सध्या ही गाडी मार्केटमध्ये मिळत नसली तरी सुद्धा अनेक जण ही गाडी कुठून मिळेल का हे शोधत असतात. अशातच आता पुणे पोलिसांनी (Pune Police) आरएक्स-१०० चोरी करणाऱ्या २ तरुणांना पकडले आहे. दोघांनी आत्तापर्यंत फक्त आर. एक्स १०० यामाहा दुचाकी चोरल्याचे तपासातून समोर आले आहे. या गाड्या सध्या बाजारपेठेत मिळत नसल्यामुळे या गाड्या अधिक किमतीने विकून हे दोघे फायदा करून घ्यायचे.
दरम्यान, पुणे शहरात (Pune News) वाढत्या दुचाकीचोरी प्रकरणाचा तपास सुरू केला असता पोलिसांनी तब्बल ४४० सीसी टिव्हीची मदत घेत तसेच मोटारसायकल चोरी झालेल्या भागातील दुचाकी मोटारसायकलचा शोध घेत असताना त्यांना हे दोन्ही आरोपी आढळून आले आणि त्यांच्याकडून एक धक्कादायक माहिती मिळाली. आदित्य दत्तात्रय मानकर आणि मयूर ऊर्फ भैय्या पांडुरंग पवार असे या आरोपींचे नावे आहेत.
त्यांच्याकडून चोरीच्या तब्बल ४.५० लाख रुपयांपेक्षा अधिक किंमतीच्या १७ मोटारसायकल जप्त केल्या असून १७ गुन्हे उघडकीस आले आहेत. गाडीचे प्रेम आणि ती विकून भरपूर पैसे कमावण्याच्या मोहात नुकतेच मिसरूढ फुटलेले या तरुणांनी अजून किती गाड्या चोरल्या आहेत याचा तपास पोलिसांकडून सुरू आहे. (Latest Marathi News)
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.