Pune Crime News: भांडण सोडवायला गेलेल्‍या तरुणावर जीवघेणा हल्ला; तरुण गंभीर जखमी

अक्षय बडवे

पुणे : आमच्या भांडणात तु मधे का आला? असे म्हणत सिंहगड रस्त्यावरील किरकटवाडी येथील तरुणावर दहा ते पंधरा (Pune News) सराईत गुन्हेगारांच्या टोळीने मेडीकल दुकानात घुसून जीवघेणा हल्ला केल्याची धक्कादायक घटना घडली आहे. या हल्ल्यात (Crime News) तरुण गंभीर जखमी झाला असून त्याच्यावर खाजगी रुग्णालयात उपचार सुरू आहेत. (Tajya Batmya)

सिंहगड रस्त्याला लागून किरकटवाडी फाट्यालगत काही सराईत गुन्हेगार दुसऱ्या एका तरुणाला मारहाण करत होते. त्यावेळी किरकटवाडी येथील स्थानिक तरुणाने मधे जाऊन तरुणाची सुटका केली. त्यावेळी ते गुन्हेगार तेथून निघून गेले व काही वेळानंतर पुन्हा दहा ते पंधरा गुन्हेगारांना घेऊन आले. किरकटवाडी (Police) येथील तरुण मेडिकल दुकानाच्या काऊंटरजवळ थांबलेला होता. त्यावेळी गुन्हेगारांनी त्याला लाथाबुक्क्यांनी व मोठमोठे दगड डोक्यात घालून बेदम मारहाण केली.

पोलिसांकडून अटक

ही सर्व घटना सीसीटीव्ही कॅमेऱ्यात कैद झाली आहे. याबाबत हवेली पोलीस ठाण्यात गुन्हा दाखल करण्यात आला असून पोलीसांनी पाच ते सहा गुन्हेगारांना अटक केली आहे. याबाबत हवेली पोलीस अधिक तपास करत आहेत.