Pune Crime : पुण्यात १५ वर्षीय मुलीवर सहा जणांचा सामूहिक बलात्कार; काळीमा फासणारी घटना

Pune Crime News : शिक्षणाचे माहेरघर म्हणून ओळखल्या जाणाऱ्या पुणे शहरातून एक संतापजक घटना उघडकीस आली आहे. पुण्यात सहा जणांनी १५ वर्षीय मुलीचं अपहरण केलं. त्यानंतर एका लॉजवर नेऊन तिच्यावर सामूहिक बलात्कार केला. याप्रकरणी पीडित मुलीच्या फिर्यादीवरून पोलिसांनी गुन्हा दाखल केला असून आरोपींनी अटक केली आहे. (Latest Marathi News)

पुण्यातील (Pune) चतुर्श्रुंगी पोलीस स्टेशनच्या हद्दीत ही संतापजक घटना घडली आहे. जय राजू तिंबोळे, ओम राजू तिंबोळे, किरण जावळे, शुभम सुनील जाधव, आणि अनिल जाधव, अशी अटक करण्यात आलेल्या आरोपींची नावे आहेत.

जुलै ते डिसेंबर २०२२ या कालावधीत हा संपूर्ण प्रकार घडल्याचं समोर आलं आहे. प्राप्त माहितीनुसार, आरोपी अनिल जाधव याने चाकूचा धाक (Crime News) दाखवून पीडितेचं अपहरण केलं. त्यानंतर एका लॉजवर नेऊन तिच्यावर बलात्कार केला.

आरोपी इतक्यावरच थांबला नाही. त्याने पीडितेचे नग्न फोटो काढले. ते व्हायरल करण्याची धमकी देऊन इतर आरोपींसोबतही पीडितेला शारिरीक संबंध ठेवण्यास भाग पाडले. जुलै २०२२ पासून आरोपींच हे कृत्य सुरू होते.

पीडितेला फोटो व्हायरल करण्याची धमकी देत, आरोपी तिच्यावर जबसदस्ती अत्याचार करत होते. अखेर पीडितेचा संयम सुटला आणि तिने याप्रकरणाची माहिती आपल्या कुटुंबीयांना दिली. कुटुंबीयांनी पीडितेला घेऊन तातडीने पोलीस ठाणे गाठले. याप्रकरणी पीडितेच्या फिर्यादीवरून पोलिसांनी गुन्हा दाखल करत सहा आरोपींना अटक केली आहे. या घटनेनं परिसरात मोठी खळबळ उडाली आहे.

Edited By - Satish Daud