सचिन जाधव, प्रतिनिधी...
Pune Crime News: 'मी आत्महत्या करत आहे ,माझ्या मृत्यूस कोणालाही जबाबदार धरु नये' अशी चिठ्ठी लिहून तरुणाने खडकवासला धरणात उडी घेऊन आत्महत्या केल्याची घटना समोर आली आहे. अनिकेत सुनील आल्हाट (वय 21, रा. नऱ्हे,पुणे) असे आत्महत्या केलेल्या तरुणाचे नाव असून या घटनेने परिसरात एकच खळबळ उडाली आहे...
याबाबत अधिक माहिती अशी की, २५ मे रोजी पहाटेच्या सुमारास अनिकेत कोणालाही काही न सांगता घरातून निघून गेला होता. त्याने कागदावर आत्महत्या करत असल्याचे व त्याबाबत कोणालाही जबाबदार न धरण्याचे लिहून ती चिठ्ठी मित्राच्या व्हॉट्सॲपवर पाठवली होती. (Latest Marathi News)
मित्राने ही बाब तातडीने अनिकेतच्या नातेवाईकांना सांगितली. तसेच कुटूंबियांनी भारती विद्यापीठ पोलीस ठाण्यात (Bharati Vidyapith Police Station) हरवल्याची तक्रार दाखल करण्यात आली होती.
घरातून निघून गेल्यानंतर अनिकेतने मोबाईल बंद करून ठेवल्याने त्याचा संपर्क होत नव्हता. अनेक ठिकाणी कुटूंबियांनी शोधाशोधही केली. अखेर अनिकेतचा मृतदेह खडकवासला धरणाच्या पाण्यावर पंप हाऊस जवळ तरंगताना आढळून आला. ज्यानंतर त्याने आत्महत्या केल्याचे उघडकीस आले. या धक्कादायक घटनेने परिसरात एकच खळबळ उडाली असून कुटूंबियांवर दुखःचा डोंगर कोसळला आहे. (Pune News)
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.
