पिंपरी-चिंचवड महापालिकेच्या कर्जावरून अजित पवारांचा भाजप आमदारावर टीका
टँकर माफिया व निविदा राजकारणातून पाणी संकट कृत्रिमरित्या निर्माण केल्याचा आरोप
संत पीठाचे खासगीकरण आणि वारकरी साहित्याऐवजी CBSE स्कूल सुरू केल्यावर सवाल
महापालिका निवडणुकीपूर्वी महायुतीतील अंतर्गत तणाव पुन्हा उघड
गोपाळ मोटघरे, पिंपरी चिंचवड
महापालिका निवडणूका जाहीर झाल्यापासून राज्याच्या राजकारणात रुसव्या फुगव्यांची मालिका पाहायला मिळते आहे. महायुतीत जागावाटपांवरून नेते मंडळी नाराज असल्याचे दिसून येत आहेत. या चढाओढीत आता राज्यातील महापालिकेंवर कोणाचा झेंडा रोवणारा हे पाहणं महत्त्वाचं ठरेलं. यासाठी नेतेमंडळी तयारीला लागले आहेत. ठिकठिकाणी नेते मंडळींच्या सभा सुरु आहेत. अशातच काल झालेल्या एका कार्यक्रमात उपमुख्यमंत्री अजित पवार यांनी पिंपरी चिंचवड महापालिका कर्जाच्या डोंगराखाली बुडवली असल्याचा टोला भाजप आमदाराला लगावला आहे.
पिंपरी चिंचवडमध्ये भाषणादरम्यान अजित पवार म्हणाले, कधी कधी आशिया खंडात सर्वात श्रीमंत असलेली पिंपरी चिंचवड महापालिका यांनी कर्जाच्या डोंगराखाली बुडवली. हे पाप कुठे फेडणार? अशी सणसणीत टीका उपमुख्यमंत्री अजित पवार यांनी नाव न घेता भोसरी विधानसभा क्षेत्राचे भाजपचे आमदार महेश लांडगे यांच्यावर केली आहे.
पुढे ते म्हणाले, पिंपरी चिंचवड शहरात फोडाफोडीच राजकारण सुरू आहे. लोकांन वर दबाव टाकलं जात आहे. महापालिकेच्या निविदा फक्त ठेकेदाराचे हित जोपासण्यासाठी काढण्यात येत आहेत. टँकर माफियाना सभाळन्यासाठी लोकांना पाणी दिल जात नाही अशी सडकून टीका अजित पवार यांनी नाव न घेता शहरातील भाजप आमदारावर केली आहे.
स्वर्गीय नगरसेवक दत्ता काका साने यांच्या संकल्पनेतून सुरू करण्यात आलेले संत पिठाचा खासगी कंपनी करण्यात आली, संत पिठात संत साहित्य ऐवजी CBSE स्कूल सुरू करण्यात आली. अशाने वारकरी साहित्याचे अभ्यास करणारे वारकरी कसे तयार होणार असा सवाल उपस्थित करत अजित पवार यांनी महेश लांडगे यांच्या कारभारावर सडकून टीका केली आहे.
सकाळ+चे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.