![Pimpari Chinchwad News](http://media.assettype.com/saamtv%2F2023-05%2F75c98669-6086-46b5-8e0f-d8a5ed0ab3c1%2FUntitled_design___2023_05_30T192436_365.jpg?w=480&auto=format%2Ccompress&fit=max)
Hinjewadi News: पिंपरी चिंचवड शहरात आज संध्याकाळी पुन्हा एकदा एक मोठी होर्डिंग कोसळल्याची दुर्घटना घडली आहे. या होर्डिंगखाली दबून चार जण गंभीर जखमी झाले असून चार चाकी वाहनांचे मोठे नुकसान झाले आहे. दुर्घटनेतील जखमींवर सध्या रुग्णालयात उपचार सुरू आहेत. या घटनेमुळे पिंपरी चिंचवड शहरातील होर्डिंगचा मुद्दा पुन्हा एकदा ऐरणीवर आला आहे.
याबाबत अधिक माहिती अशी की, सध्या पुणे तसेच पिंपरी चिंचवड (Pimpari Chinchwad) परिसरात वादळी वाऱ्यासह जोरदार पाऊस पडला. याच पावसामुळे शहरात आज संध्याकाळी पुन्हा एकदा होर्डिंग कोसळल्याची दुर्घटना घडली आहे. आज संध्याकाळी आलेल्या वादळी वाऱ्यात हिंजवडी परिसरातील मान भागात एक मोठी लोखंडी होर्डिंग भर रस्त्यावर कोसळली आहे. या होर्डिंग खाली दबून दोन तरुण जखमी झाले आहेत.
पाऊस आल्यानंतर रस्त्याने ये - जा करणाऱ्या चाकरमान्यांनी पावसापासून स्वतःला वाचवण्याकरिता या होर्डिंगचा आसरा घेतला होता. मात्र अचानक होर्डिंग कोसळल्याने ही मोठी दुर्घटना घडली. तसेच यामध्ये काही तीन-चार दुचाकी वाहनांचे मोठे नुकसान झाले आहे. दुर्घटनेतील जखमींवर एका खाजगी रुग्णालयात उपचार सुरू आहेत.
दरम्यान, काही दिवसांपूर्वीच रावेत परिसरामध्ये पुणे - मुंबई हायवे वर एक मोठी अनधिकृत होर्डिंग कोसळून पाच कामगारांचा दुर्दैवी मृत्यू झाला होता. त्यानंतर पुन्हा एकदा पिंपरी चिंचवड शहरात वादळी वाऱ्यात मोठी होर्डिंग कोसळून दोन जण जखमी झाले आहेत. आज कोसळलेल्या होर्डिंग ला परवानगी कुणी दिली होती ? तसेच ही होर्डिंग अधिकृत होती की अनधिकृत ? याचा तपास हिंजवडी पोलीस करत आहेत. (Latest Marathi News)
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.