Thane: कल्याणफाटा जवळील इमारतीचा काही भाग कोसळला; सुदैवाने जीवितहानी नाही

ठाणे: ठाणे महापालिकेच्या हद्दीतील कल्याण-शीळ रोडवरील कल्याणफाटा येथे एका पाच मजली इमारतीचा काही भाग रात्री 11.30 ते 12 च्या सुमारास कोसळला (Building Collapse). या इमारतीत 15 कुटुंब रहात असल्याची माहिती स्थानिकांनी दिली, तर यामध्ये 2 जण जखमी झाल्याची माहिती स्थानिकांनी दिली आहे. याबाबत ठाणे (Thane) महापालिका प्रशासन किंवा पोलीस प्रशासन यांना विचारले असता त्यांनी कोणतीही माहिती दिली नाही. (Building Collapse In Thane)

हे देखील पाहा -

या परिसरात जवळच असलेल्या लकी कंपाऊडमध्ये काही वर्षांपूर्वी इमारत पडून काही लोकांचा मृत्यू झाला होता. तरीही दिवा, शीळ, पडले या परिसरात मोठ्या प्रमाणात अनधिकृत बांधकाम सुरू असून ठाणे महापालिका याकडे गांभिर्याने पहात नाही. स्थानिक नागरिकांनी महापालिकेला वारंवार कळवूनसुद्धा शीळ आणि दिवा परिसरातील अनधिकृत बांधकामांबाबत तक्रार करुनही पालिका याकडे लक्ष देत नाही. त्यामुळे लकी कंपाउंड ची घटना या परिसरात पुन्हा होऊ नये याकडे नवीन स्थापित झालेल्या शिवसेना आणि भाजपा सरकारने गंभीरपणे लक्ष द्यावे असे इथल्या नागरिकांचे म्हणणे आहे.

Edited By - Akshay Baisane