पंचायत समित्यांच्या सभापती, उपसभापती निवडीत शिवसेना उद्धव बाळासाहेब ठाकरे, राष्ट्रवादीचे वर्चस्व

पालघर जिल्हा परिषद अंतर्गत येणाऱ्या आठही पंचायत समित्यांच्या सभापती आणि उपसभापती निवडीचा निकाल हाती आला आहे. राष्ट्रवादी आणि शिवसेना उद्धव बाळासाहेब ठाकरे यांना चार पंचायत समित्यांवर विजय मिळवण्यात यश आल आहे. (Palghar Latest Marathi News)

पालघर, डहाणू, विक्रमगड, वाडा या चार पंचायत समित्या राष्ट्रवादी आणि शिवसेना उद्धव बाळासाहेब ठाकरे यांच्या ताब्यात गेल्या आहेत. तर वसई पंचायत समितीवर बहुजन विकास आघाडीचे वर्चस्व पाहायला मिळाले. तलासरी पंचायत समितीवर माकपाला एक हाती सत्ता मिळाली आहे. जव्हार पंचायत समितीवर भाजपने एक हाती सत्ता मिळवली आहे. (Maharashtra News)

मोखाडा पंचायत समिती शिंदे गटाच्या ताब्यात गेली आहे. डहाणू पंचायत समितीवर महाविकास आघाडी (mva) आणि भाजप (bjp) शिंदे गट युती यांच्यात समसमान मतं झाल्याने चिठ्ठी टाकून उमेदवाराला विजयी घोषित करण्यात आले. त्यामुळे डहाणू पंचायत समितीची जबाबदारी असलेले डहाणूचे नगराध्यक्ष भरत राजपूत यांना हा मोठा धक्का मानला जातो.

Edited By : Siddharth Latkar