Mumbra Crime: कफ सिरफची नशा करण्याच्या वादातून एकाची हत्या; 7 जण ताब्यात

कल्पेश गोरडे, ठाणे

Mumbra Crime News: ठाणे जिल्ह्यातील मुंब्रा येथून धक्कादायक बातमी समोर आली आहे. मुंब्र्यात कफ सिरफची नशा करण्याच्या वादातून एका व्यक्तीची हत्या करण्यात आली आहे. सरनाम असे या 35 वर्षीय मयत तरुणाचे नाव आहे. याप्रकरणी पोलिसांनी हत्या झालेल्या व्यक्तीचे शव ताब्यात घेतले असून 7 संशयीत आरोपींनाही ताब्यात घेतले आहे. (intoxication of cough syrup)

मिळालेल्या माहितीनुसार, मुंब्रा येथील राशिद कंपाऊंड येथे झेंडेवाले बाबा परिसरात कफ सिरफ (खोकल्याचे लाल औषध) ची नशा करण्यावरुन सरनाम याचा काही लोकांशी वाद झाला. याच वादातून सरनाम या व्यक्तीवर धारदार शस्त्राने वार त्याच्यावर हल्ला करण्यात आला. या हल्ल्यात सरनाम याच्या डोक्याला आणि पोटाला गंभीर दुखापत झाल्याने त्याचा जागीच मृत्यू झाला आहे. (Latest Marathi News)

सरनाम हा मूळचा उत्तर प्रदेश येथील बहराईच जिल्ह्यात राहणार आहे. या प्रकरणी पोलिसांनी हत्या करण्यात आलेल्या व्यक्तीचे शव ताब्यात घेतले असून शवविच्छदनासाठी पाठवण्यात आले आहे. तसेच या प्रकरणी मुंब्रा पोलिसांनी 7 लोकांना ताब्यात देखील घेतले आहे. तसेच या हत्येता पुढील तपास मुंब्रा पोलीस करत आहेत.

Edited By - Akshay Baisane