Nilesh Ghaiwal : मोठी बातमी! निलेश घायवळ भारतात परत येणार, वकीलाचा दावा; पाहा Video

Pune Crime : खुळखुळा झालेल्या खाकीला गंडवून निलेश घायवळ परदेशात पळला.... आणि त्यानंतर पोलिस यंत्रणा जागी झाली.. मात्र हाच मकोकाचा गुन्हेगार मुलांच्या शिक्षणासाठी परदेशात गेला असून तो 100 टक्के पुन्हा भारतात येणार आहे, असा दावा घायवळच्या वकीलानं केलाय.

दुसरीकडे 18 सप्टेंबरला झालेल्या कोथरुड गोळीबार प्रकरणाशी घायवळचा कुठलाच संबंध नाहीय..दबावाखाली येऊन पोलिसांनी ही कारवाई केल्याचा आरोपही घायवळच्या वकीलानं केलाय...मात्र घायवळच्या वकीलानं केलेले आरोप पोलिस आयुक्त अमितेश कुमार यांनी फेटाळून लावलेत...

मुळात खंडणी, टोळीयुध्द, हत्येचा प्रयत्न, बेकायदा शस्त्र बाळगणं असे अनेक गुन्हे घायवळच्या नावावर आहेत.. तरीहीसुद्धा वकीलानं उलट्या बोंबा का ठोकल्यात? पुणे पोलिसांनी वकीलाचा दावा फेटाळून लावल्यानंतर तरी वकीलाच्या दाव्यानुसार घायवळ भारतात येणार का? आणि तो आला नाही तर पुणे पोलिस परदेशात घायवळच्या मुसक्या आवळून त्याला फरफटत घेऊन येणार का? हे पाहणं महत्त्वाचं आहे...