NHM Contract Employees Strike: भिवंडीत एनएचएमच्या कंत्राटी कामगारांचे थाळीनाद आंदोलन

- फय्याज शेख

Bhiwandi News :

राष्ट्रीय नागरी आरोग्य अभियान याेजनेत मागील वीस ते बावीस वर्षांपासून मोठ्या संख्येने कंत्राटी कामगार अल्प मानधना वर काम करीत आहेत. सर्व कंत्राटी कामगारांना शासकीय सेवेत सामावून घ्यावे तोपर्यंत समान काम समान वेतन द्यावे या मागणीसाठी राष्ट्रीय आरोग्य अभियान कंत्राटी अधिकारी कर्मचारी समायोजन कृती समितीच्या वतीने बेमुदत कामबंद आंदोलन सुरू केले आहे. (Maharashtra News)

गेले 25 दिवसांपासून आंदोलन सुरू असून राज्य सरकार कर्मचाऱ्यांच्या मागणीकडे दुर्लक्ष करीत आहेत. सरकारचे लक्ष वेधण्यासाठी भिवंडीत उपविभागीय अधिकारी कार्यालया समोर थाळीनाद आंदोलन केले.

('साम टीव्ही'चं व्हॉट्सअ‍ॅप चॅनल जॉईन करण्यासाठी येथे क्लिक करा)

या आंदोलनात भिवंडी महानगरपालिका, जिल्हा परिषद मध्ये काम करणाऱ्या शेकडो कर्मचारी महिला सहभागी झाल्या होत्या. शासकीय सेवेत सामावून घ्यावे तोपर्यंत समान काम समान वेतन द्यावे या मागणीच्या घोषणांनी आंदाेलकांनी परिसर दणाणून सोडला.

सरकार आंदोलनाकडे जाणीवपूर्वक दुर्लक्ष करीत असून आरोग्य मंत्री यांनी दिलेल्या आश्वासना नंतर ही अंमलबजावणी करीत नसल्याने भविष्यात तीव्र आंदोलन करून आत्मदहन करण्याचा इशारा आंदोलक पदाधिकारी सतीश देशपांडे यांनी साम टीव्हीशी बाेलताना सरकारला दिला.

Edited By : Siddharth Latkar