Navi Mumbai: शाळकरी विद्यार्थ्यांना घेऊन जाणाऱ्या स्कूल बसला आग; दैव बलवत्तर म्हणून...

सिद्धेश म्हात्रे -

नवी मुंबई: शाळकरी मुलांना घेऊन जात असताना एका स्कूल बसला (School Bus) आग लागल्याची घटना समोर आली आहे. खारघरमधील सेक्टर 15 येथील घरकुल सोसायटीजवळ ही घटना घडली आहे. या घटनेत स्कूल बस जळून खाक झाली आहे. मात्र, विद्यार्थ्यांना वेळीच उतरवल्याने सुदैवाने मोठी दुर्घटना टळली आहे.

मिळालेल्या माहितीनुसार, नवी मुंबईतील खारघर (Kharghar) येथील पीपल एज्युकेशन संस्थेच्या स्कूल बस विद्यार्थ्यांना शाळेत घेऊन जातं होती. खारघर सेक्टर 15 येथील घरकुल सोसायटीजवळ ही स्कूल बस आली असता अचानक या बसमधून धुराचे लोट येऊ लागले. बस चालकाने प्रसंगावधान साधत बसमधील सर्व विद्यार्थ्यांना सुखरूप बाहेर काढलं.

पाहा व्हिडीओ -

त्यानंतर खारघर अग्निशमन दलाला (Kharghar Fire Brigade) घटनेची माहिती देण्यात आली. माहिती मिळताच अग्निशमन दल तत्काळ घटनास्थळी दाखल झालं. अग्निशमन दलाच्या जवानांनी आगीवर नियंत्रण मिळवत आग विझवली. मात्र, अचानक लागलेल्या या आगीत स्कूल बसचे मोठे नुकसान झाले असून बस चालकाच्या प्रसंगावधानाने कुठलीही जीवितहानी झालेली नाही.

Edited By - Jagdish Patil