Video : नवी मुंबईत APMC फळ मार्केटला भीषण आग; घटनास्थळी अग्निशमन दलाच्या गाड्या दाखल

सिद्धेश म्हात्रे

Navi Mumbai Fire News : नवी मुंबईतून एक मोठी बातमी समोर येत आहे. नवी मुंबईतील वाशीजवळील एपीएमसी फळ मार्केटला आग लागल्याची घटना घडली आहे. एपीएमसी फळ मार्केटमध्ये हा अग्नीतांडव सुरू आहे.सदर घटनास्थळी अग्निशमन दलाच्या दोन गाड्या दाखल झाल्या आहेत. अग्निशमन दलाच्या जवानाचे आगीवर नियंत्रण मिळविण्याचे प्रयत्न सुरू आहेत. (Latest Marathi News)

मिळालेल्या माहितीनुसार, नवी मुंबईतील वाशीतील एपीएमसी फळ मार्केटला भीषण आग लागल्याची घटना गुरुवारी घडली. सदर आग एपीएमसीतील एनरोला ही आग लागली आहे. एन विभागातील सात ते आठ विंगमध्ये आग पोहोचली आहे. फळ ठेवण्यासाठी असणारे पुट्ठे जळून खाक झाले आहेत.

नवी मुंबईतील वाशीतील एपीएमसी फळ मार्केटला आग लागल्यानंतर घटनास्थळी अग्निशमन दलाचे तीन अग्निबंब पोहोचले आहेत. अग्निशमन दलाचे जवानांचे आगीवर नियंत्रण मिळविण्याचे प्रयत्न सुरू आहेत.

ठाणे : नौपाड्यातील इमारतीतील घराला आग

ठाणे शहरातील नौपाडा परिसरातील इमारतीमधील एका घराला आग लागल्याची घटना घडली आहे. तळवपाळी परिसरातील धवलछाया इमारतीत आग लागली आहे. घटनेची माहिती मिळताच अग्निशमन दलाचे तीन अग्निबंब पोहोचले आहेत. घरात अडकलेल्या वयोवृद्धाला बाहेर काढण्यात अग्निशमन दलाला यश आले आहे.