Pune News: पुण्यात अवैध बांधकामावर मनपाचा हातोडा, ५ मजली इमारत जमिनदोस्त

सचिन जाधव

Municipal Encroachment Department : पुण्यात येवलेवाडीत अनाधिकृत प्लॉटिंगसह बांधकामांवर महापालिका अतिक्रमण विभागाकडून कारवाई करण्यात आली आहे. येवलेवाडी परिसरात विविध प्रकारची आरक्षणे असताना अनधिकृतपणे प्लॉटिंग आणि बांधकामे आहेत. हे लक्षात घेऊन महापालिकेच्या बांधकाम विभाग झोन २ ने अनधिकृत प्लॉटिंगवर धडक कारवाई केली आहे. (Latest Marathi News)

येवलेवाडीतील सर्वे क्रमांक ३३ मधील ५ मजली इमारतीवर ६ हजार चौरस फूट क्षेत्रावरील बांधकाम पाडण्यात आले.यासह ३ हजार चौरस फूट क्षेत्रावरील गोडाऊन तसेच प्लॉटिंग विकण्यासाठी करण्यात आलेले रस्ते उखडून टाकण्यात आलेत.

एक जॉ-कटर, ३ जेसीबी, गॅस कटर व अतिक्रण विभागाकडील ९ बिगारी आदी सामुग्रीच्या सहाय्याने कारवाई केलीय.अतिक्रमण विभागाचे अतिक्रमण विभागाकडील पोलीस कर्मचाऱ्यांचे पथकही यावेळी उपस्थित होते.

कल्याण डोंबिवली महापालिकेची ग्रामीण भागातील अनधिकृत बांधकामावर धडक कारवाई

कल्याण डोंबिवली महापालिकेने महापालिका क्षेत्रातील ग्रामीण भागात असलेल्या अनधिकृत बांधकाम म्हणून कारवाईचा धडाका सुरू केलाय.पालिकेच्या आय प्रभागातील आडीवली, ढोकली गावात अनधिकृतपणे उभारण्यात आलेल्या चाळींमधील १३ रूम व ८ जोत्यावर कारवाई करत ही बांधकामे जमीनदोस्त केली आहेत. पालिकेच्या या कारवाईमुळे चाळ माफियांचे धाबे दणाणले आहेत.