Mumbai Rain Red Alert : काही दिवसांच्या विश्रांतीनंतर आता पावसाने राज्यात पुन्हा हजेरी लावली आहे. मुंबई, पुणे यांसारख्या महानगरांमध्ये जोरदार पावसाला सुरुवात झाली आहे. मुंबईत पुढील ३ तासांसाठी रेड अलर्ट घोषित करण्यात आला आहे. त्यातही दक्षिण मुंबईमध्ये दिवसभरात मुसळधार पावसाची शक्यता वर्तवली जात आहे. नवी मुंबईतदेखील पाऊस सुरु झाला आहे.
पुण्यातही पाऊस
पुण्यातील पिंपरी चिंचवड भागात दमदार पाऊस झाला. काही मिनिटांसाठी झालेल्या पावसामुळे हिंजवडी परिसरातील रस्त्यांनी नद्यांचे स्वरुप घेतले. रस्त्यांवर पाणी साचल्याने वाहतूकीदरम्यान अडचणी यायला सुरुवात झाली. अनेक दुचाकी वाहने पाण्यात वाहून गेली. हिंजवडीमध्ये नालेसफाई आणि ड्रेनेज लाईन यांची व्यवस्था न केल्याने आयटी पार्कला वॉटर पार्कचे स्वरुप आले.
कोकणात पावसाला सुरुवात
सहा दिवसांच्या विश्रांतीनंतर आज रायगड जिल्‍हयात पुन्हा एकदा हजेरी लावली आहे. अलिबागसह उरण, माणगाव, नागोठणे, पाली, म्‍हसळा, श्रीवर्धन, मुरूड भागात दुपारी मध्‍यम स्‍वरूपाचा पाऊस बरसायला सुरूवात झाली. काही भागात ढगांचा गडगडाट आणि वीजांचा कडकडाट सुरू आहे. सकाळी कडक ऊन पडले होते मात्र दुपारी आकाशात काळेकुटट ढग जमा झाले आणि पावसाने बरसायला सुरूवात केली.
मध्य महाराष्ट्र, मराठवाडा आणि विदर्भातील काही ठिकाणी पावसाचा जोर वाढण्याची शक्यता वर्तवली जात आहे. पुण्यातील बारामती, दौंड, इंदापूर आणि मुंबई, ठाणे, रायगडमध्ये मुसळधार पाऊस बसरणार असल्याचे म्हटले जात आहे. राज्यातील बऱ्याचशा ठिकाणी पावसाचे अलर्ट हवामान खात्याद्वारे देण्यात आले आहेत.
सकाळ+चे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.