मुंबई गुन्हे शाखेची मोठी कारवाई; ५ कोटींहून अधिक किंमतीचे ड्रग्ज जप्त

मुंबई: मुंबई पोलिसांनी ड्रग्ज विरोधात मोठी कारवाई केली आहे. पोलिसांनी दोन तस्करांना अटक केली आहे. या तस्करांना मुंबई पोलिसांच्या (Police) गुन्हे शाखा युनिट ३ ने मानखुर्द परिसरातून अटक केली. या तस्करांकडून १ किलो ९३५ ग्रॅम हेरॉईन ड्रग्ज जप्त करण्यात आले. जप्त केलेल्या अंमली पदार्थांची आंतरराष्ट्रीय बाजारात किंमत ५ कोटी ८० लाख रुपयांहून अधिक असल्याचे बोलले जात आहे. गुन्हे शाखेने एनडीपीएस कायद्यांतर्गत दोन अमली पदार्थ विक्रेत्यांवर गुन्हा दाखल करून पुढील तपास सुरू आहे. (drug smugglers)

शाळकरी मुलांच्या पिण्याच्या पाण्याच्या बाटलीतून हे तस्कर ड्रग्ज तस्करी करत होते, अंमली पदार्थांच्या तस्करीचा हा नवा मार्ग तस्करांनी सुरू केल्याचे पोलिसांनी सा़ंगितले. या प्रकरणी मानखुर्द भागातून एका महिलेला मुंबई गुन्हे शाखेने अटक केली आहे. ही महिला बऱ्याच दिवसांपासून अंमली पदार्थांच्या व्यवसाय करत होती, गेल्या 6 महिन्यांपासून गुन्हे शाखा त्या महिलेवर पाळत ठेवून होती. महिलेसहअन्य एका आरोपीलाही पोलिसांनी (Police) या प्रकरणात अटक केली असून अधिकतपास पोलिस करत आहेत. (drug smugglers)

Edited By- Santosh Kanmuse