Andheri Fire News: वर्सोवा गावातील दुकानाला भीषण आग, आगीत अनेक वस्तू जळून खाक

संजय गडदे, साम प्रतिनिधी

अंधेरी पश्चिमेकडील वर्सोवा येथील बुधा गलेतील एका दुकानाला भीषण आग लागल्याची घटना घडलीय. आगीची माहिती मिळतात वर्सोवा पोलीस, मुंबई अग्निशमन दल आणि आदानी इलेक्ट्रिसिटीचे कर्मचारी घटनास्थळावर दाखल झालेत. अग्निशमन दलाकडून आगीवर नियंत्रण मिळवण्याचे युद्ध पातळीवर प्रयत्न सुरू आहेत.

मिळालेल्या माहितीनुसार, आगीच्या भक्ष्यस्थानी पडलेलं दुकान हे खेळण्याचे दुकान आहे. आगीत दुकानातील अनेक वस्तू जळून खाक दरम्यान दुकानाला आग नेमकी कशामुळे लागली याचे कारण अद्याप अस्पष्ट आहे. साडेसहा वाजण्याच्या सुमारास खेळण्याच्या दुकानात आग लागली. प्लास्टिक आणि कागद मोठ्या प्रमाणावर असल्याने आग मोठ्या प्रमाणावर पसरली होती. आगीत पूर्ण दुकान जाळून खाक झाले आहे. सुदैवाने जीवितहानी झालेली नाही