Mumbai : मंत्रालयातील त्या लिपिकावर कारवाई; तोपर्यंत काम थांबवलं, नरहरी झिरवळ यांचे निर्देश

संजय गडदे, मुंबई

Maharashtra Mumbai Mantraalay Clerk Corruption News अन्न व औषध प्रशासन मंत्रालयीन कार्यालयात कार्यरत असलेल्या लिपिक-टंकलेखक राजू संपत ढेरिंगे यांच्याविरुद्ध, लाचलुचपत प्रतिबंध विभागाच्या अधिकाऱ्यांनी १२ फेब्रुवारी २०२६ रोजी कारवाई केली आहे. या कारवाईनंतर संबंधित प्रकरणाची गंभीर दखल घेण्यात आली असून मंत्रालयीन स्तरावर हालचालींना वेग आला आहे.

मिळालेल्या माहितीनुसार, संबंधित कर्मचाऱ्यावर नियमभंग व भ्रष्टाचाराशी संबंधित बाबींमुळे ही कारवाई करण्यात आली. या घटनेनंतर प्रकरणाची सखोल चौकशी करण्यासाठी समिती नियुक्त करण्यात आली आहे. चौकशी अहवाल सादर होईपर्यंत परिस्थिती नियंत्रणात ठेवण्यासाठी काही प्रशासकीय निर्णय घेण्यात आले आहेत.

विशेष म्हणजे, चौकशी समितीचा अंतिम अहवाल येईपर्यंत डॉ. रामदास गाडे हे खाजगी सचिव पदाचा कार्यभार पाहणार नसल्याचे आदेशात नमूद करण्यात आले आहे. या निर्णयामुळे मंत्रालयीन वर्तुळात चर्चांना उधाण आले असून प्रशासनाने पारदर्शकतेचा संदेश देण्याचा प्रयत्न केल्याचे मानले जात आहे.

या प्रकरणातील पुढील तपास सुरू असून चौकशी अहवालानंतर पुढील प्रशासकीय कारवाई होण्याची शक्यता व्यक्त केली जात आहे. मंत्रालयाने भ्रष्टाचाराच्या बाबतीत शून्य सहनशीलतेची भूमिका कायम ठेवली असल्याचेही सूत्रांकडून सांगण्यात आले आहे.