Ghatkopar Hoarding Accident: कारमध्ये पेट्रोल भरायला गेले अन् जीव गमावून बसले; मुंबईतील दाम्पत्याची हृदयद्रावक कहाणी

Mumbai Hoarding Collapse News: मृतांमध्ये एका दाम्पत्याची कार देखील आढळली. त्यात या दाम्पत्याचा मृतदेह आढळला. कारमध्ये पेट्रोल भरायला गेलेले हे दाम्पत्य जीव गमावून बसले.
Ghatkopar Hoarding Fall: Former Indore Airport Director And His Wife Died in  Mumbai Hording Fall Accident
Ghatkopar Hoarding Fall: Former Indore Airport Director And His Wife Died in Mumbai Hording Fall AccidentSaam TV

मुंबई : मुंबईच्या घाटकोपरमध्ये होर्डिंग कोसळून १६ जणांचा मृत्यू झाला आहे. होर्डिंग कोसळलेल्या घटनास्थळी पालिकेने बचावकार्य देखील थांबवलं आहे. या मृतांमध्ये एका दाम्पत्याची कार देखील आढळली. त्यात या दाम्पत्याचा मृतदेह आढळला. कारमध्ये पेट्रोल भरायला गेलेले हे दाम्पत्य जीव गमावून बसले. २५० टन होर्डिंगखाली १०० जण अडकले होते. त्यातील १६ जणांचा मृत्यू झाला असून इतर जणांना वाचवण्यात यश आलं आहे.

Ghatkopar Hoarding Fall: Former Indore Airport Director And His Wife Died in  Mumbai Hording Fall Accident
Ghatkopar Hording Collapse: दुर्घटनास्थळीही नेत्यांचं राजकारण! घाटकोपर घटनास्थळी दोन भावी खासदार भिडले; VIDEO व्हायरल

रिपोर्टनुसार, बुधवारी रात्री ६० वर्षीय मनोज चंसोरिया आणि ५९ वर्षीय अनिता यांचा मृतदेह असल्याचे सांगण्यात येत आहे. मनोज हे इंदूर एअरपोर्टचे माजी संचालक होते. मनोज हे निवृत्त झाल्यानंतर पत्नीसोबत जबलपूरला स्थलांतरित झाले होते. यूएसए व्हिसाच्या संबंधित कामासाठी दोघे मुंबईला आले होते.

व्हिजाचे काम पूर्ण झाल्यानंतर दोघे जबलपूरसाठी निघाले होते. रस्त्यात पेट्रोल पंप भरण्यासाठी घाटकोपर पंपावर थांबले होते. त्यानंतर जोरदार वादळ आलं. त्यावेळी पेट्रोल पंपाशेजारील होर्डिंग कोसळलं. अमेरिकेत राहणाऱ्या मुलाने आई-वडिलांशी संपर्क साधण्याचा प्रयत्न केला. मात्र, ते सापडले नाही. त्यानंतर मित्राच्या मदतीने पोलिसांत आई-वडील हरविल्याची तक्रार दिली.

Ghatkopar Hoarding Fall: Former Indore Airport Director And His Wife Died in  Mumbai Hording Fall Accident
Ghatkopar Hoarding Collapse: आरोपी भावेश भिंडेंच्या वार्षिक कमाईची माहिती आली समोर, पुणे महापालिकाही अलर्ट मोडवर

तक्रारीनंतर पोलिसांनी हरवलेल्या दाम्पत्याचा मोबाईल लोकेशन ट्रॅक करण्याचा प्रयत्न केला. त्यावेळी त्यांचं शेवटचं लोकेशन पेट्रोल पंपाच्या जवळ सापडलं. या घटनेत एकूण १६ जणांचा मृत्यू झाला आहे. तर ४१ जण गंभीर जखमी झाले आहेत. यातील ३४ जणांना डिस्चार्ज देण्यात आला आहे. दरम्यान, पोलीस सध्या या अनधिकृत होर्डिंगचा मालक भावेश भिंडे याच्या मागावर आहेत. त्याच्या विरोधात गु्न्हा नोंद करण्यात आला आहे.

Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.

Related Stories

No stories found.
Marathi News Saam TV
saamtv.esakal.com