मुंबईमध्ये सामूहिक बलात्काराची धक्कादायक घटना समोर आली आहे. वांद्रे परिसरात १८ वर्षींय तरुणीवर सामूहिक बलात्कार करण्यात आला. याप्रकरणी निर्मलनगर पोलिसांनी एकाला अटक केली तर दुसरा आरोपी फरार आहे. पोलिस दुसऱ्या आरोपीचा शोध घेत आहे. या घटनेमुळे वांद्रे परिसरात खळबळ उडाली आहे. मुंबईमध्ये पुन्हा एकदा महिला सुरक्षिततेचा मुद्दा ऐरणीवर आला आहे.
मिळालेल्या माहितीनुसार, मुंबईच्या वांद्रे परिसरात १८ वर्षांच्या तरुणीवर सामूहिक बलात्कार करण्यात आला आहे. काकांच्या घरी सोडण्याचे आश्वासन देऊन पीडित तरुणीला कारमध्ये बसवले. आरोपींनी पाण्याच्या बाटलीत गुंगीचे औषध मिसळलेले पेय पाजले. बेशुद्ध झालेल्या तरुणीवर दोघांनी सामूहिक बलात्कार केला. यासंदर्भात तक्रार केल्यास जीवे मारण्याची देखील पीडितेला धमकी देण्यात आली.
पीडित तरुणीने याप्रकरणी निर्मल नगर पोलिस ठाण्यात धाव घेत तक्रार केली. पीडित तरुणीच्या तक्रारीवरून पोलिसांनी दोघांविरोधात गुन्हा दाखल केला. पोलिसांनी ३१ वर्षीय व्यक्तीला अटक केली आहे. तर दुसरा आरोपी सध्या फरार आहे. पोलिस त्याचा शोध घेत आहे. या प्रकरणाचा पोलिस अधिक तपास करत आहेत.
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.