मुख्यमंत्र्यांसह पत्नी आणि मुलांनीही मनी लाँडरिंग केलं; सोमय्यांचा गंभीर आरोप

मुंबई : ठाकरे सरकारचे डर्टी डझन घोटाळे बाहेर काढणार असल्याचा इशारा भाजपनेते किरीट सोमय्या (Kirit Somaiya) यांनी दिला आहे. आयएनएस विक्रांत निधीचा अपहार केल्याप्रकरणी भाजप नेते किरीट सोमय्यांना आज मुंबई उच्च न्यायालयाने (Mumbai High Court) अटकेपासून संरक्षण दिल्यानंतर, गायब असणारे सोमय्या आज मुंबईत परतले. यावेळी त्यंनी नेहमीप्रमाणे शिवसेनेवर टीका करत उद्धव ठाकरे (Uddhav Thackeray) आपलं तोंड बंद करु शकत नाहीत असही सोमय्या म्हणाले.

पत्रकारांशी बोलताना सोमय्या म्हणाले, 'संजय राऊत फक्त प्रवक्ते आहेत, मला अटक करण्याचा मास्टर प्लॅन उद्धव ठाकरेंचा आहे. तेच मास्टरमाईंड आहेत. मुख्यमंत्र्यांच्या पोरांचा, पत्नीचे घोटाळे मी बाहेर काढले म्हणून काहीही करा आणि मला अटक करा असा आदेश मुख्यमंत्र्यांनी दिला होता. मात्र, आता न्याय मिळायला सुरुवात झाली आहे. असं म्हणत त्यांनी यावेळी मुंबई उच्च न्यायलायाच्या न्यायाधिशांचे आभारहा मानतो.

हे देखील पहा -

ते पुढे म्हणाले, येत्या दोन दिवसात अनिल परबांची (Anil Parab) केस दापोली कोर्टात येणार आहे. तर हसन मुश्रीफांचं इन्वेस्टिगेशन सुरु आहे. यशंवंत जाधव त्याबरोबर नंदकिशोर चतुर्वेदी यांनी उद्धव ठाकरेंसह त्यांच्या पत्नी आणि मुलांसोबत मनी लॉंडरिंग केलं असल्याचा गंभीर आरोपही सोमय्यांनी केला. तसंच हे उद्धट सरकार सोमय्याला तोंड बंद करु शकत नाही असा इशाराही त्यांनी सरकारला दिला.

Edited By - Jagdish Patil