Pune Crime News : फक्त बघितलं म्हणून टोळक्याचा अल्पवयीन मुलावर कोयत्याने हल्ला; सहकारनगरमधील थरारक घटना

सचिन जाधव

Pune News :

पुण्यात रागाने बघितल्याच्या कारणावरून एका टोळक्याने १७ वर्षीय अल्पवयीन मुलावर कोयत्याने वार करून जखमी केले. सहकारनगरमधील संभाजीनगर परिसरात ही घटना घडली आहे. याबाबत अल्पवयीन मुलाने सहकारनगर पोलीस ठाण्यात तक्रार दाखल केली आहे.

याप्रकरणी पोलिसांनी विकी कांबळे (वय २४ वर्ष) या आरोपीला अटक केली आहे. तर अन्य तीन अल्पवयीन मुलांना ताब्यात घेण्यात आले आहे. ('साम टीव्ही'चं व्हॉट्सअ‍ॅप चॅनल जॉईन करण्यासाठी येथे क्लिक करा)

पोलिसांनी दिलेल्या माहितीनुसार, फिर्यादी अल्पवयीन मुलगा २० जानेवारी रोजी रात्री १० वाजता त्याच्या मित्राचा वाढदिवस साजरा करण्यासाठी जात होता. त्यावेळी आरोपी रस्त्यात आडवा आल्याने त्याच्याकडे रागाने बघितले. (Latest News)

या कारणावरून त्यांच्यात वाद झाला. त्यानंतर विकी आणि त्याच्या इतर मित्रांनी फिर्यादीला मारहाण करून कोयत्याने वार केले होते. या प्रकरणाचा अधिक तपास सहकारनगर पोलीस करत आहेत.