Pune Crime News: सख्खे शेजारी जीवावर उठले; विवाहितेने कंटाळून संपवलं जीवन, दोघांना अटक

सचिन जाधव

Pune News : पुण्यातील एका विवाहित महिलेने शेजाऱ्यांच्या त्रासाला कंटाळून जीवन संपवल्याची धक्कादायक घटना समोर आली आहे. शेजारी करत असलेल्या सततच्या बदनामीला कंटाळून महिलेने टोकाचं पाऊल उचललं आहे. पोलिसांना याप्रकरणी शेजारी राहणाऱ्या पती-पत्नीला अटक केली आहे. (Crime News)

शाहीन अत्तार असं ३५ वर्षीय आत्महत्या केलेल्या महिलेचे नाव आहे. पुण्यातील लोणी कंद पोलीस ठाण्याच्या हद्दीत मौजे कोलवाडी परिसरात शाहीन राहत होती. याप्रकरणी लोणी कंद पोलीस ठाण्यात शाहीनचे पती शौकत अत्तार यांनी फिर्याद दिली आहे. (Latest Marathi News)

मिळालेल्या माहितीनुसार, काही दिवसांपूर्वी शितल लटके आणि शाहीनमध्ये वाद होत होते. शितलने शाहीनला आपल्या नवऱ्यापासून लांब राहण्यास देखील सांगितले होते. अनेक वेळा लटके दाम्पत्याने शाहिनच्या चारित्र्यावर संशय घेत "तू मोबाईल वर कुणाशी बोलतेस हे तुझ्या नवऱ्याला सगळे सांगतो, अशी धमकी देखील दिली होती. काही दिवसांपासून यांच्यामधील वाद आणि भांडणं वाढली होती आणि अखेर या दोघांनी केलेल्या बदनामीला कंटाळून शाहीनने विष प्राशन करून आत्महत्या केली.

या प्रकरणात शाहीन यांच्या शेजारी राहत असलेल्या ज्ञानेश्वर लटके आणि त्यांची पत्नी शितल लटके या दोघांना अटक केली आहे. पोलीस अधिक तपास करत आहेत.

शाहीन आणि तिचे पती शौकत गेल्या अनेक दिवसांपासून कोलवाडी या भागात राहत होते. अनेक वर्षांपासून त्यांची त्यांच्या शेजारी राहत असलेल्या ज्ञानेश्वर लटके आणि शितल लटके यांच्याशी ओळख होती. लटके हा ट्रॅक्टर ड्रायव्हर आहे तर शाहीन चे पती हे अंडे विक्रेते आहेत.