मन हेलावणारी घटना! लोखंडी सळईने मारहाण केल्याने श्वानाचा मृत्यू

पुणे - दत्तवाडी परिसरात मन हेलावणारी घटना घटना घडली आहे. एका माथेफिरू तरुणाने विनाकारण, एका भटक्या श्वानाला लोखंडी सळईने बेदम मारहाण केली आहे. या श्वानाच्या डोक्यात जबरी घाव लागल्यामुळे श्वानाचा जागीच मृत्यू झाला आहे. एका स्थानिक महिलेने याप्रकरणी दत्तवाडी पोलीस ठाण्यात फिर्याद दाखल केली आहे. महिलेच्या फिर्यादीवरून दत्तवाडी पोलिसांनी आरोपी तरुणा विरोधात गुन्हा दाखल करण्यात आला आहे. या घटनेचा पुढील तपास दत्तवाडी पोलीस करत आहेत.

हे देखील पहा -

अमोल खेडकर असे या माथेफिरू तरुणाचे नाव आहे. आरोपी हा दत्तवाडी परिसरातील रहिवासी आहे. याप्रकरणी भारती साळुंखे यांनी दत्तवाडी पोलीस ठाण्यात फिर्याद दाखल केली असून दत्तवाडी पोलिसांनी आरोपी खेडकर विरोधात गुन्हा दाखल केला आहे.फिर्यादी भारती साळुंखे यांच्या घराच्या परिसरात गेल्या दहा वर्षांपासून राणी नावाची श्वान राहात होती.

परिसरातील नागरिक या श्वानाला खायला टाकत असल्याचे. त्यामुळे हे श्वान याठिकाणी गेल्या दहा वर्षांपासून वास्तव्याला होते. 8 नोव्हेंबर रोजी सकाळी फिर्यादी आपल्या घरासमोर उभ्या होत्या. यावेळी रस्त्यावर फिरणाऱ्या या श्वानाला आरोपी खेडकर याने लोखंडी सळईने मारहाण केली अशी माहिती पोलिसांकडून देण्यात आली आहे.

फिर्यादीच्या डोळ्यादेखत श्वानाने आपले प्राण सोडला आहे. या घटनेची माहिती मिळताच परिसरातील नागरिकांनी हळहळ व्यक्त केली आहे. या प्रकरणी दत्तवाडी पोलीस ठाण्यात गुन्हा दाखल करण्यात आला असून घटनेचा पुढील तपास पोलीस करत आहेत.

Edited By - Shivani Tichkule