VIDEO: मोठी बातमी! लोणावळ्यात संध्याकाळी ६ नंतर पर्यटकांना बंदी, पुणे जिल्हाधिकारी अ‍ॅक्शन मोडमध्ये

लोणावळ्यातल्या भुशी डॅम (Bhushi Dam) परिसरातील धबधब्यावरून ५ पर्यटक वाहून गेल्याची घटना रविवारी घडली होती. या घटनेनंतर पर्यटकांच्या सुरक्षेचा प्रश्न ऐरणीवर आलाय. अशामध्ये मुख्यमंत्री एकनाथ शिंदेंनी (CM Eknath Shinde) थेट कठोर कारवाईचे आदेश दिलेत. संध्याकाळी ६ वाजल्यानंतर पर्यटकांना पर्यटनस्थळी फिरण्यास बंदी घालण्यात आली आहे. याकडे दुर्लक्ष करणाऱ्या पर्यटकांवर कारवाई होणार आहे. कारवाईत हलगर्जीपणा करणाऱ्या अधिकाऱ्यांवर देखील बडगा उगारला जाणार आहे, अशी माहिती पुण्याचे जिल्हाधिकारी सुहास दिवसेंनी दिली. पुढच्या काही तासांत लोणावळ्यातील पर्यटनासाठी विशेष नियमावली जाहीर केली जाणार असल्याचे देखील जिल्हाधिकाऱ्यांनी सांगितले. भुशी डॅम परिसरातील धबधब्यात पुण्यावरून आलेल्या अन्सारी आणि सय्यद कुटुंबीय ५ जण वाहून गेले होते. यामधील ४ जणांचा मृतदेह सापडला तर एकाचा शोध सुरू आहे.