Laxman Hake viral video : लक्ष्मण हाके मद्यप्राशन करत असल्याचा आरोप; पुण्यात मराठा समाजाचे कार्यकर्ते आक्रमक, नेमकं काय घडलं?

अक्षय बडवे, साम टीव्ही

पुणे : ओबीसी नेते लक्ष्मण हाके यांच्या विरोधात पुण्यात मराठा समाज आक्रमक झाला आहे. लक्ष्मण हाके हे मद्यप्राशन करताना आढळले असल्याचा आरोप करण्यात येत आहे. पुण्यातील कोंढवा भागात लक्ष्मण हाके मद्यप्राशन करीत असल्याचा मराठा समाजाच्या कार्यकर्त्यांचा आरोप आहे.

ओबीसी समाजासाठी लढा देणारे नेते असे कसे? असा मराठा समाजाच्या कार्यकर्त्यांनी सवाल केला. हाके यांनी शिवीगाळ केल्याचा आरोप मराठा समाजातील बांधवांनी केला आहे. सध्या कोंढवा पोलीस याठिकाणी पोहचले असल्याचे समजते. या आरोपानंतर पोलिस ठाण्यात तणाव पाहायला मिळत आहे.