पिंपरीत पुन्हा कोयता गँगचा पुन्हा धुमाकूळ, महिला दुकानदारावर हल्ला करत कपड्यांची चोरी

पिंपरी-चिंचवड: पिंपरी-चिंचवड शहरात ब्रॅण्डेड कपडे घालण्यासाठी पुन्हा एकदा कोयता गँगने धुमाकूळ घातला आहे. या गँगने रेडीमेड दुकानांमध्ये कपडे चोरी केले आहेत. पिंपरी-चिंचवड शहरात चिखली पोलीस स्टेशन हद्दीतील ताम्हाणे वस्ती परिसरात ही धक्कादायक घटना घडली आहे (Koyta Gang Attack On Shop Keeper And Robber Clothes).

काही दिवसांपूर्वीही कोयता गँगने पिंपरीतील एमजी शूज शॉपमध्ये देखील बुटं चोरी करण्यासाठी दुकानदारावर धारदार शस्त्राने वार करुन मोठी तोडफोड केली होती. काल पुन्हा चिखली येथील ताम्हाणे वस्ती परिसरातील पीसीएमसी फॅशन हब या दुकानात कपडे खरेदी करण्याच्या बाहाण्याने ही गँग घुसली. शॉप मालकाच्या आईवर कोयता गँगने वार करत सात हजार पाचशे रुपये किमतीचे तीन शर्ट आणि तीन जिन्स पळविले आहेत.

कोयता गँगच्या हल्ल्यात कुसुम ईश्वर नागरगोजे ही दुकान मालक महिला गंभीर जखमी झाली आहे. मात्र, पिंपरी-चिंचवड शहरात उदयास आलेल्या छोट्या-छोट्या कोयता गँगमुळे पिंपरी-चिंचवड शहरातील व्यापारी प्रचंड हवाल दिल झाले आहेत

Edited By - Nupur Uppal